تازہ ترین

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

نیا کپتان کون؟ سفارشات چیئرمین پی سی بی کو ارسال

پاکستان کرکٹ ٹیم کا وائٹ بال میں نیا کپتان...

وفاقی حکومت نے آٹا برآمد کرنے کی اجازت دے دی

وفاقی حکومت نے برآمد کنندگان کو آٹا برآمد کرنے...

وزیراعظم شہباز شریف آج چیف جسٹس قاضی فائز عیسٰی سے اہم ملاقات کریں گے

اسلام آباد : وزیراعظم شہبازشریف اور چیف جسٹس سپریم...

ابو ظہبی: نجی اسکول فیسیں کم کریں اور والدین سے رعایت برتیں

ابو ظہبی: متحدہ عرب امارات کے دارالحکومت ابو ظہبی کے محکمہ تعلیم نے کہا ہے کہ نجی اسکول فیسیں کم کریں اور حالات کے پیش نظر والدین سے رعایت برتیں۔

غیر ملکی ویب سائٹ کے مطابق ابو ظہبی کے محکمہ تعلیم نے نجی اسکولوں سے کہا ہے کہ وہ فیس کم کریں اور بسوں کے زر اشتراک پر نظر ثانی کریں، دیگر فیسیں بھی کم کی جا سکتی ہوں تو ضرور کریں تاہم اساتذہ کی تنخواہوں میں کمی سے گریز کیا جائے۔

محکمہ تعلیم کا کہنا ہے کہ اگر اساتذہ کی تنخواہوں میں کمی ناگزیر ہو تو ایسی صورت میں ایسا حل نکالا جائے جو فریقین کے لیے قابل قبول ہو۔

محکمہ تعلیم کے مطابق آئندہ ہفتوں کے دوران تعلیم کے معاملات انتہائی پیشہ ورانہ انداز سے برتے جائیں، تعلیمی فیس سے متعلق طلبہ کے والدین کے استفسارات کے جواب حکمت اور فراست سے دیے جائیں۔ ان سے رابطے کر کے ان کا تعاون حاصل کیا جائے۔

محکمے نے ہدایت کی ہے کہ ہر اسکول طلبہ کے سرپرستوں کے سوالوں کے جواب دینے کے لیے رابطہ افسر مقرر کرے، یہ افسر تجاویز اور شکایات بھی ریکارڈ کرے۔ اسکول مختلف فیسیں کم کرنے کی اسکیمیں بنائے، یہ کام مختلف اخراجات کم کر کے کیا جاسکتا ہے۔

بیان میں مزید کہا گیا ہے کہ بعض طلبہ کے سرپرست ان دنوں مشکل میں ہیں، انہیں سکول فیس دینا بھاری پڑ رہا ہے، کسی کی ملازمت چلی گئی ہے، کسی کو بغیر تنخواہ چھٹی پر بھیج دیا گیا ہے۔ ان تمام انسانی حالات کا لحاظ کیا جائے اور بچوں کی تعلیم میں خلل نہ ڈالا جائے۔

محکمہ تعلیم کا کہنا ہے کہ نجی اسکول غیر تدریسی عملے سے تنخواہوں میں عارضی کمی کے لیے مذاکرات کر سکتے ہیں تاہم اس بات کو مدنظررکھا جائے کہ وہ بھی گھر چلا رہے ہیں۔

خیال رہے کرونا وائرس کے باعث ابو ظہبی میں کئی اسکول پہلے ہی فیس میں 20 فیصد رعایت کا اعلان کر چکے ہیں۔

Comments

- Advertisement -