کھانے کے مضر صحت ہونے کی افواہیں، سوشل میڈیا صارفین کو حکومت نے متنبہ کردیا -
The news is by your side.

Advertisement

کھانے کے مضر صحت ہونے کی افواہیں، سوشل میڈیا صارفین کو حکومت نے متنبہ کردیا

ابوظہبی: متحدہ عرب امارات کے حکام نے شہریوں کو متنبہ کیا ہے کہ وہ سوشل میڈیا پر کھانے کے مضرِ صحت ہونے کی افواہیں پھیلانے سے گریز کریں۔

تفصیلات کے مطابق فوڈ کنٹرول اتھارٹی نے عوام کو خبردار کیا ہے کہ وہ کھانے کے مضر صحت ہونے یا کوالٹی پر کوئی بھی تبصرہ کرنے سے گریز کریں بالخصوص ایسی اشیا جن کے بارے میں انہیں معلوم نہیں اُس پر قیاس آرائیاں مہنگی پڑھ سکتی ہیں۔

اے ڈی ایف سی اے کی جانب سے جاری رپورٹ کے مطابق سنہ 2013 سے 2018 تک کھانے کے مضر صحت ہونے کے حوالے سے مختلف لوگوں نے 49 افواہیں سوشل میڈیا پر پھیلائیں۔

سرکاری محکمے نے شہریوں سے اپیل کی ہے کہ وہ کسی بھی شہ کے بارے افواہ پھیلانے سے اجتناب برتیں کیونکہ مخالف کمپنیاں اپنی پروڈکٹ کی مشہوری کے لیے دوسرے کے خلاف پروپیگنڈے سے کام لیتی ہیں۔

ابوظہبی فوڈ کنٹرول اتھارٹی نے کھانے کی کوالٹی کی تصدیق کے حوالے سے بھی شہریوں کے لیے ٹیلی فون نمبر ، ٹوئٹر اکاؤنٹ اور ای میل سروس فراہم کردی۔ حکام کا کہنا ہے کہ شہری 800555 ، ای میل [email protected] یا ٹویٹر ایڈرس @adfca پر رابطہ کر کے کسی بھی افواہ کی تصدیق کریں۔

واضح رہے کہ سوشل میڈیا صارفین کسی بھی خبر یا میسج کو بغیر تصدیق کے اپنے دوسرے دوستوں تک بھیج دیتے ہیں جس کے بعد لوگ اُس پر یقین کرنا شروع کردیتے ہیں۔

Comments

comments

یہ بھی پڑھیں