ابوظہبی: متحدہ عرب امارات میں کورونا وبا کے دوران اسکولز کھولنے کے حوالے سے نئے قواعد و ضوابط جاری کر دیے گئے۔
گلف نیوز کے مطابق نئے ضابطے کے تحت اسکولز میں داخلے کے لیے والدین کو کورونا منفی رپورٹ پیش کرنا ہوگی اور ٹیسٹ رپورٹ زیادہ سے زیادہ 72 گھنٹے پرانی ہی قابل قبول ہوگی۔
ابوظہبی ایجوکیشن ریگولیٹر نے طلبہ کے نام ایک گائیڈ بک تیار کی ہے جس میں 30 اگست سے کھلنے والے اسکولز میں تدریسی عمل کے دوران کورونا سے بچاؤ کے لیے احتیاطی تدابیر اور ضوابط بتائے گئے ہیں۔
کورونا وبا کے دوران کھلنے والے اسکولز میں جہاں بچوں اور اساتذہ کے لیے رہنما اصول جاری کیے گئے ہیں وہیں والدین کے لیے کچھ ضوابط طے کیے گئے ہیں۔
نئے ضوابط کے تحت صرف انہی والدین کو اسکولز میں داخلے کی اجازت ہوگی جن کی کورونا رپورٹ منفی ہوگی اور اس رپورٹ کی مدت 72 گھنٹے سے پرانی نہیں ہونی چاہیے۔
والدین میں سے کو ایک بوقت ضرورت ہی اسکول میں داخل ہو سکے گا، اور چھوٹے بچے یعنی ‘کے جی’ اور ‘ون’ کلاس کے طلبہ کو لینے یا چھوڑنے کے لیے والدین کو داخل ہونے دیا جائے گا جس کے لیے کورونا منفی رپورٹ لازمی ہے۔