The news is by your side.

Advertisement

ابو ظہبی: ایک اور ٹریفک خلاف ورزی پر 400 درہم جرمانہ عائد

ابو ظہبی: متحدہ عرب امارات کے دارالحکومت ابو ظہبی کی پولیس نے ایک اور ٹریفک خلاف ورزی پر 400 درہم جرمانہ عائد کردیا ہے، ابو ظہبی پولیس محفوظ ڈرائیونگ کو یقینی بنانے کے لیے خصوصی آگاہی مہم چلا رہی ہے۔

بین الاقوامی ویب سائٹ کے مطابق ابو ظہبی پولیس نے ڈرائیوروں سے کہا ہے کہ ڈرائیونگ کے دوران دائیں لین کی پابندی کریں اور عقب یا بائیں جانب سے آنے والی گاڑیوں کو ترجیحی بنیاد پر آگے بڑھنے کا موقع دیں۔

پولیس کا کہنا ہے کہ ایسا نہ کرنا ٹریفک خلاف ورزی ہے جس پر 400 درہم جرمانہ ہوگا۔

ابو ظہبی پولیس دراصل ان دنوں محفوظ ڈرائیونگ کو یقینی بنانے کے لیے خصوصی آگاہی مہم چلا رہی ہے۔

ابو ظہبی پولیس کا کہنا ہے کہ کوئی بھی ڈرائیور اپنے آگے چلنے والی گاڑی کو دائیں جانب سے اوور ٹیک نہ کرے، ایسا کرنے پر ٹریفک حادثے کا بڑا خطرہ ہوتا ہے۔ بعض اوقات اس سے ہلاکتیں بھی ہوتی ہیں اور لوگ زخمی بھی ہوتے ہیں۔

پولیس کی جانب سے مزید کہا گیا کہ کوئی بھی ڈرائیور اس وقت تک ٹریک تبدیل نہ کرے جب تک کہ اس بات کا اطمینان نہ کرلیا جائے کہ راستہ خالی ہے اور ٹریک تبدیل کرتے وقت ایک گاڑی دوسری گاڑی کے درمیان ضروری فاصلے کی پابندی کرے۔ ایک ٹریک سے دوسرے ٹریک میں جاتے وقت سگنل ضرور دے۔

Comments

یہ بھی پڑھیں