تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

نیا کپتان کون؟ سفارشات چیئرمین پی سی بی کو ارسال

پاکستان کرکٹ ٹیم کا وائٹ بال میں نیا کپتان...

ٹور گائیڈز کے لئے خوشخبری، ابوظبی نے بڑا اعلان کردیا

ابوظبی: ابوظبی کے محکمہ سیاحت و ثقافت نے لائسنس یافتہ ٹور گائیڈز کے لئے نئی اسکیم کا اعلان کردیا ہے۔

تفصیلات کے مطابق یو اے ای نے مملکت کے منفرد ثقافتی پہلوؤں کو تلاش اور انہیں اجاگر کرنے کی حوصلہ افزائی کے تحت نئی ترغیباتی اسکیم کا اعلان کیا ہے، یہ اسکیم امارات کی ٹچ پوائنٹ کی حکمت عملی کا حصہ ہے، جس کا مقصد سیاحوں کو ابوظبی کے ورثے ، ثقافت اور دیگر موضوعات کو مزید گہرائی سے جاننے کا موقع فراہم کرنا ہے۔

رپورٹ کے مطابق اس اسکیم میں کئی رعایات اور دیگر قابل قدر ڈیلز شامل ہیں، یہ اسکیم لائسنس یافتہ ٹور گائیڈز کو تخلیقی صلاحیتوں کے ساتھ ساتھ انہیں ابوظہبی میں نئی منازل تلاش کرنے میں معاون ہوگی تاکہ وہ مستقبل میں امارت آنے والے سیاحوں کیلئے نئے معلوماتی اور تفریحی تجربات میسر کرسکیں۔

یہ آفرز مختلف قسم کے پرکشش مقامات پر قابل قبول ہونگیں جن میں پچیس شرکاء ہوٹلز شامل ہیں، جہاں سیاحوں کو کئی رعایتی سہولیات جیسا کہ جم ، سپا ، پولز ، ایف اینڈ بی اور کمروں کے کرائے فراہم کیئے جاتے ہیں۔

یہ بھی پڑھیں: یو اے ای: ملازمت کے تین سے 6 ماہ میں استعفیٰ دینے پر پابندی ہوسکتی ہے؟

محکمہ سیاحت و ثقافت کے ایگزیکٹو ڈائریکٹر علی حسن الشیبہ کا کہنا تھا کہ اب جب ابوظہبی ایک بار پھر محفوظ انداز میں بین الاقوامی سیاحوں کا پھر سے بھرپور خیرمقدم کرنے کو تیار ہے تو ان سیاحوں کو یہاں منفرد اور بھرپور مواقع میسر آئیں گے ، اس میں ٹور گائیڈز کو ترغیب کی فراہمی بھی مقاصد کا حصہ ہے جس کے نتیجے میں امارت کے کثیر جہت ثقافتی و سیاحتی پہلوؤں کو اجاگر کریں گے۔

علی حسن الشیبہ کا مزید کہنا تھا کہ اس اسکیم کے تحت سیاحوں اور مہمانوں کو ابوظبی کے بارے میں خصوصی مواقع میسر آئیں گے۔

واضح رہے کہ ابوظبی میں اس وقت لائسنس یافتہ گیارہ سو بائیس ٹور گائیڈز کام کررہے ہیں اور ان سب کو اس نئی اسکیم میں شامل ہونے کا اہل قرار دیا گیا ہے تاکہ سیاحت کی صںعت کو فروغ دیا جاسکے۔

یاد رہے کہ تجربہ کار اور علم رکھنے والے ٹور گائیڈز کو ابوظہبی میں ناگزیر اہمیت حاصل ہے ، یہ گائیڈز نہ صرف سیاحتی منزل کے بارے میں تفصیلی معلومات رکھتے ہیں بلکہ انہیں اپنے اس گھر اور سرزمین کے بارے میں بھرپور تجربات ، جذبہ اور محبت بھی ہے۔

Comments

- Advertisement -