The news is by your side.

وزیراعظم شہباز شریف کو ایک اور بڑا ریلیف مل گیا

لاہور : احتساب عدالت نے آشیانہ اقبال ہاؤسنگ کیس میں وزیراعظم شہباز شریف کی مستقل حاضری معافی کی درخواست منظور کر لی۔

تفصیلات کے مطابق احتساب عدالت لاہور نے آشیانہ اقبال ہاؤسنگ کیس کی سماعت کی، عدالت نے وزیراعظم شہباز شریف کی جانب سے مستقل حاضری معافی کی درخواست منظور کر لی ۔

عدالت نے ہدایت کی کہ جب شہباز شریف کو طلب کیا جاٸے گا وہ پیش ہوں گے ۔

دوران سماعت نیب تفتیشی آفیسر نے عدالت کو بتایا کہ کامران کیانی اور ندیم ضیاء کے حوالے سے تحقیقات جاری ہیں جو جلد مکمل کر کے رپورٹ پیش کر دی جائے گئی۔

جس پر عدالت نے تفتیشی آفیسر کو تحقیقات مکمل کر کے رپورٹ جلد پیش کرنے کا حکم دے دیا۔

ریفرنس میں شریک ملزم بلال قدوائی نے بریت کی درخواست دائر کی، عدالت نے بریت درخواست پر نیب کو نوٹس جاری کر دئیے جبکہ ملزم کامران کیانی اور ندیم ضیاء کی عبوری ضمانت میں سات اکتوبر تک توسیع کر دی۔

Comments

یہ بھی پڑھیں