The news is by your side.

Advertisement

ٹریفک حادثے میں اے آر وائی نیوز کے سینئر پروڈیوسر کی ہلاکت، ملزم کا بھائی گرفتار

کراچی : پولیس نے اے آر وائی نیوز کے سینئر پروڈیوسر غلام مصطفیٰ فاروق کی حادثے میں ہلاکت کے ذمہ دار ڈرائیور کے بھائی اور ٹرک کے مالک کو گرفتار کرلیا۔

تفصیلات کے مطابق گزشتہ روز کراچی کے علاقے سائٹ ایریا حبیب بینک چورنگی کے قریب ہونے والے ٹریفک حادثے میں اے آر وائی نیوز کے سینئر پروڈیوسر غلام مصطفیٰ فاروق جاں بحق ہوگئے تھے۔

تیز رفتار ٹرک کی ٹکر سے موٹر سائیکل سوار غلام مصطفیٰ فاروق نے موقع پر ہی جان دے دی جبکہ ٹرک فرار ہونے میں کامیاب ہوگیا تھا۔

اس حوالے سے سائٹ اے پولیس نے حبیب بینک چورنگی کے قریب کارروائی کرتے ہوئے قاتل ٹرک کے مالک جاوید خان کو حراست میں لے لیا۔

پولیس کے مطابق حادثہ ٹرک ڈرائیور کی تیز رفتاری، غفلت اور لاپرواہی کے سبب پیش آیا تھا، جاوید خان مفرور ٹرک ڈرائیور واصف خان کا بھائی ہے، مفرور ڈرائیور واصف خان اپنے بھائی جاوید خان کا ٹرک چلاتا تھا۔

مزید پڑھیں : ٹرک کی ٹکر سے اے آر وائی نیوز کے سینئر پروڈیوسر جاں بحق

پولیس کی جانب سے زیرحراست ملزم سے مزید تفتیش جاری ہے اور ملزم کو جلد گرفتار کرلیا جائے گا۔

fb-share-icon0
Tweet 20

Comments

comments

یہ بھی پڑھیں