The news is by your side.

اٹک: ہولناک ٹریفک حادثے میں چار افراد جاں بحق، 12 زخمی

اٹک: صوبہ پنجاب میں خطرناک ٹریفک حادثے کے نتیجے میں 4 افراد جاں بحق اور بارہ زخمی ہوگئے۔

تفصیلات کے مطابق پنجاب کے شہر اٹک میں کوہاٹ روڈ کھنڈا موڑ کے قریب ٹریفک حادثے پیش آیا جس کے باعث چار افراد موقع پر ہی جاں بحق ہوگئے۔

ریسکیو حکام کا کہنا ہے کہ ڈمپر اور وین میں ٹکر سے ہلاکتیں ہوئیں، ٹریفک حادثہ تیز رفتاری اور اوورٹیکنگ کے باعث پیش آیا۔

حادثے میں زخمی ہونے والے تمام افراد کو اسپتال منتقل کردیا گیا، جبکہ جاں بحق ہونے والوں کو شناخت کے بعد لواحقین کے حوالے کردیا جائے گا۔

پولیس نے واقعے کے فوری بعد تحقیقات شروع کردی، تفتیش کے بعد واقعے کی مکمل تفصیلات منظر عام پر آجائیں گی۔

واضح رہے کہ رواں سال جنوری میں صوبہ پنجاب کے شہر گوجرانوالہ میں تیزرفتار بس فٹ پاتھ سے ٹکرا کرالٹ گئی تھی جس کے نتیجے میں ایک شخص جان کی بازی ہار گیا تھا۔

پولیس کے مطابق بس جڑانوالہ سے سیالکوٹ ایئرپورٹ جارہی تھی، حادثے کا شکار ہونے والی بس میں عمرہ عازمین سوار تھے۔

Comments

یہ بھی پڑھیں