The news is by your side.

Advertisement

ملک کے مختلف شہروں میں ٹریفک حادثات، 3 افراد جاں بحق، 9 زخمی

کراچی: ملک کے مختلف شہروں میں ٹریفک حادثات کے نتیجے میں دو سالہ بچی سمیت 3 افراد جاں بحق اور 9 زخمی ہوگئے۔

تفصیلات کے مطابق کراچی، لاہور اور خوشاب میں ہولناک ٹریفک حادثات نے 2 سالہ بچی سمیت تین افراد کی جانیں لے لیں، جبکہ 9 زخمی ہیں۔

ریسکیو حکام کا کہنا ہے کہ کراچی کے علاقے بلدیہ رئیس گوٹھ میں کار اور ڈمپر میں ٹکر ہوئی، اس حادثے میں 2 سال کی بچی جاں بحق جبکہ 4 افراد زخمی ہوئے۔

دوسری جانب لاہور میں سندر کے علاقے میں ٹرک اور موٹر سائیکل میں تصادم سے ایک شخص جان کی بازی ہار گیا، جبکہ خاتون سمیت 2 افراد شدید زخمی ہوئے۔

ریسکیو حکام کا کہنا ہے کہ حادثے کے بعد ٹرک ڈرائیور موقع سے فرار ہونے میں کامیاب ہوگیا، جبکہ پولیس نے تلاش شروع کردی ہے۔

علاوہ ازیں پنجاب کے ضلع خوشاب میں بھی ایک خطرناک ٹریفک حادثے نے ایک شخص کی جان لے لی۔

ریسکیو ذرائع کے مطابق خوشاب کے علاقے واپڈا کالونی کے قریب ٹرک اور کار میں ٹکر کے باعث ایک شخص جاں بحق اور 3 افراد شدید زخمی ہوگئے، جنہیں فوری طور پر اسپتال منتقل کردیا گیا ہے۔

Comments

comments

یہ بھی پڑھیں