site
stats
پاکستان

احتساب عدالت نےاسحاق ڈارکی جائیداد ضبطگی کےخلاف درخواست مسترد کردی

Ishaq Dar

اسلام آباد : احتساب عدالت نے سابق وزیرخزانہ اسحاق ڈار کی جائیداد ضبطگی کے خلاف دائردرخواست مسترد کردی۔

تفصیلات کے مطابق احتساب عدالت نے سابق وزیرخزانہ اسحاق ڈار کی جائیداد ضبطگی کے خلاف درخواست پر محفوظ فیصلہ سنا دیا۔

احتساب عدالت نے اسحاق ڈار کے تمام اعتراضات مسترد کرتے ہوئے فیصلہ سنایا کہ جائیداد ضبطگی کا فیصلہ یہ تھا کہ جائیداد فروخت نہ کی جائے۔

معزز جج محمد بشیر نے ریمارکس دیے کہ عدالت کا وہ فیصلہ برقرار رہے گا، جائیداد فروخت نہیں کی جا سکتی۔

خیال رہے کہ 7 فروری کوہونے والی سماعت میں اسحاق ڈار کے وکیل قاضی مصباح نے دلائل دیتے ہوئے موقف اپنایا تھا کہ ہجویری فاونڈیشن ایک ادارہ ہے جس میں خریدو فروخت نہیں کرسکتے۔

نیب پراسیکیوٹر نے دلائل دیتے ہوئے کہا تھا کہ جائیداد ضبطگی کے 14 دن کے اندر رجوع کرنا چاہیے تھا جو انہوں نے نہیں کیا۔

اسحاق ڈار کے وکیل قاضی مصباح کا کہنا تھا کہ ہمیں آرڈر دیر سے ملا ورنہ ہم فوراََ رجوع کرتے، عدالت نے دونوں جانب سے دلائل مکمل ہونے فیصلہ محفوظ کرلیا تھا۔


اسحاق ڈارکےخلاف اثاثہ جات ریفرنس کی سماعت 23 فروری تک ملتوی


واضح رہے کہ احتساب عدالت نے سابق وزیرخزانہ اسحاق ڈار کے خلاف اثاثہ جات ریفرنس کی سماعت 23 فروری تک ملتوی کردی ۔


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

Print Friendly, PDF & Email
20

Comments

comments

loading...

Most Popular

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top