The news is by your side.

Advertisement

احتساب عدالت نے ہجویری ٹرسٹ کا اکاؤنٹ جزوی طور پر بحال کردیا

اسلام آباد :احتساب عدالت نے ہجویری ٹرسٹ کا اکاؤنٹ جزوی طور پر بحال کردیا۔

تفصیلات کے مطابق اسلام آباد احتساب عدالت میں اسحاق ڈار کی ہجویری ٹرسٹ اکاؤنٹ کی بحالی کیلئے درخواست کی سماعت ہوئی ، اسحاق ڈارکےوکیل کا کہنا تھا کہ ہجویری ٹرسٹ یتیموں کا ادارہ ہے، ادارے میں سیکڑوں بچے زیرکفالت ہیں، جب سے یہ کیس بنا ہے، اکاؤنٹ غیر فعال ہوگئے ہیں۔

اسحاق ڈار کے وکیل کا کہنا تھا کہ ہجویری فاؤنڈیشن پانچ سے چھ کروڑ روپے مختلف اسپتالوں کو ڈائیلاسز کیلئے دے رہا ہے اور ہجویری فاؤنڈیشن ہی ٹرسٹ کو بھی فنڈز دے رہا ہے۔

ڈپٹی پراسیکیوٹر نیب عمران شفیق نے کہا کہ یہ حقیقت ہے کہ ہجویری ٹرسٹ میں یتیم بچے ہیں، ادارہ اچھےمقصد کیلئے بنا مگرغلط استعمال کیا جارہا ہے۔

اسحاق ڈار کے وکیل نے کہا کہ ٹرسٹ کا پیسہ کوئی غلط استعمال کیسے کرسکتا ہے؟ تین سال کے اخراجات کی دستاویزات جمع کرادی ہیں۔

احتساب عدالت نے محفوظ فیصلہ سناتے ہوئے ہجویری ٹرسٹ کےاکاؤنٹس جزوی طور پر بحال کردیئے اور کہا کہ جویری ٹرسٹ کے اکاؤنٹس کو جزوی طور پر بحال کیا گیا ہے ویلفیئر کے منصوبوں پررقم خرچ کی جا سکتی ہے۔


مزید پڑھیں : اسحاق ڈار کی ہجویری ٹرسٹ کے منجمد اکاؤنٹ فعال کرنے کی درخواست


یاد رہے کہ سابق وزیر خزانہ اسحٰق ڈار نے احتساب عدالت میں ایک درخواست دائر کرتے ہوئے ہجویری ٹرسٹ کے منجمد اکاؤنٹ فعال کرنے کی استدعا کی تھی۔

درخواست میں کہا گیا تھا کہ ہجویری ٹرسٹ یتیموں کا ادارہ ہے جس میں 93 یتیم بچے رہتے ہیں۔ اکاؤنٹ بحال نہ کیا گیا تو ادارہ بند کرنا پڑے گا۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

Comments

comments

یہ بھی پڑھیں