site
stats
اہم ترین

فلیگ شپ ریفرنس ، احتساب عدالت نے نواز شریف اور ان کے بیٹوں کو 19 ستمبر کو طلب کرلیا

اسلام آباد : احتساب عدالت نے فلیگ شپ ریفرنس میں نااہل نواز شریف ان کے بچوں حسن اور حسین نوازکو انیس ستمبر کو طلب کرلیا جبکہ نیب نےاعتراضات دورکرکے ایون فیلڈ، عزیزیہ اسٹیل مل اور ہل میٹل ریفرنس بھی عدالت میں جمع کرادیا ہے۔

تفصیلات کے مطابق نواز شریف خاندان کے خلاف نیب ریفرنس پر کارروائی شروع کردی گئی، احتساب عدالت میں فلیگ شپ ریفرنس کی سماعت کیلئے انیس ستمبر کی تاریخ مقرر کردی گئی، جس کے سابق وزیر اعظم اور ان کے بچوں کو رہائشی پتوں پر نوٹس جاری کردیئے گئے۔

احتساب عدالت نے نواز شریف ان کے بچوں حسن اور حسین نواز کو انیس ستمبر کو طلب کرلیا ہے۔

دوسری جانب نیب نے اعتراضات دور کرکے ایون فیلڈ، عزیزیہ اسٹیل مل اور ہل میٹل ریفرنس بھی عدالت میں جمع کرادیا ہے۔


مزید پڑھیں : شریف خاندان، ڈار کے خلاف دائر کردہ ریفرنس نیب کو واپس


یاد رہے کہ شریف خاندان کے خلاف دائر کرائے گئے ایون فیلڈ پارک لینڈ ریفرنس، عزیزیہ اسٹیل ملز ریفرنس میں سنگین غلطیوں کا انکشاف ہوا تھا، جس کے بعد احتساب عدالت نے غلطیوں سے بھرے ریفرنس نیب کو واپس کردیے تھے۔

خیال رہے کہ پانامافیصلے کی روشنی میں نواز شریف،حسن،حسین،مریم نوازاور کیپٹن صفدرکےخلاف لندن فلیٹس،عزیزیہ اسٹلیزملزاورفلیگ شپ سمیت آف شور کمپنیوں کےکیس چلائے جانے ہیں۔

احتساب عدالت ریفرنسز پر چھ ماہ میں فیصلہ کرنےکی پابند ہے۔ عدالتی کارروائی کی نگرانی سپریم کورٹ کے جج جسٹس اعجاز الاحسن کر رہے ہیں۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top