site
stats
پاکستان

احتساب عدالت کا شرجیل میمن کوگرفتار کرکےپیش کرنےکاحکم

کراچی: احتساب عدالت نےسابق وزیرشرجیل میمن اوردیگرسات افراد کواشتہاری قرار دیتے ہوئےملزمان کوگرفتار کرکے7مارچ کو پیش کرنے کاحکم دے دیا۔

تفصیلات کےمطابق محکمہ اطلاعات میں اربوں روپے کی کرپشن کے کیس کی سماعت آج احتساب عدالت میں ہوئی،عدالت نےسابق صوبائی وزیرشرجیل میمن کی عدم پیشی پراظہار برہمی کرتےہوئےانہیں اشتہاری قراردینےکاحکم برقرار رکھاہے۔

احتساب عدالت نے شرجیل میمن کے ایک بارپھر ناقابل ضمانت وارنٹ گرفتاری جاری کردیے جبکہ ریفرنس میں شریک ملزم انیتابلوچ کو بھی اشتہاری قرار دے دیا۔

شرجیل میمن کے وکیل نے دوران سماعت عدالت میں کہاکہ میرے موکل کی ضمانت پرہائی کورٹ میں فیصلہ محفوظ ہوچکا ہے،انہوں نے کہا کہ شرجیل میمن کو اشتہاری قرار دینے کی کارروائی روکی جائے۔

نیب پراسیکیوٹر کا کہنا ہے کہ اشتہاری قرار دینے کی کارروائی شروع ہونے کے بعد نہیں روکی جاسکتی ہے،ثابت کریں گے شرجیل میمن کی درخواست عدالت کوگمراہ کررہی ہے۔

واضح رہےکہ احتساب عدالت نے سابق صوبائی وزیرشرجیل میمن اور دیگرمفرور ملزموں کو7مارچ تک گرفتار کرکے پیش کرنےکاحکم دیاہے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top