The news is by your side.

Advertisement

نور مقدم قتل کیس میں گرفتار ایک ملزم کی ضمانت منظور

اسلام آباد : اسلام آباد ہائی کورٹ نے نور مقدم قتل کیس میں گرفتار ایک ملزم کی ضمانت منظور کرلی ، جمیل احمدکیس کے مرکزی ملزم ظاہر جعفر کا باورچی ہیں۔

تفصیلات کے مطابق اسلام آباد ہائی کورٹ میں نور مقدم قتل کیس میں گرفتار جمیل احمد کی درخواست ضمانت پر سماعت ہوئی ، دوران سماعت جسٹس  عامر فاروق نے گرفتار ملزم کی درخواست پر محفوظ فیصلہ سنایا۔

عدالت نے گرفتار جمیل احمد کی درخواست ضمانت منظور کرلی ، جمیل احمد کی ضمانت 50ہزار کے مچلکوں کےعوض منظور کی گئی، جمیل احمد کیس کے مرکزی ملزم ظاہر جعفر کے باورچی ہیں۔

یاد رہے گذشتہ ہفتے سپریم کورٹ نے نور مقدم قتل کیس میں مرکزی ملزم ظاہر جعفرکی والدہ عصمت ذاکرکی ضمانت منظورکی تھی اور دس لاکھ کے مچلکے  جمع کرانے کا حکم دیا تھا جبکہ والد ذاکر جعفر کی درخواست خارج کردی تھی۔

Comments

یہ بھی پڑھیں