The news is by your side.

Advertisement

‌فلوریڈا : ہائی اسکول میں فائرنگ کرنے والےملزم نے اعتراف جرم کرلیا

فلوریڈا: امریکی ریاست فلوریڈا کے ہائی اسکول میں فائرنگ کرنے والے 19 سالہ ملزم نکولس کروز نے اعتراف جرم کرلیا۔

تفصیلات کے مطابق فلوریڈا کےعلاقے پارک لینڈ میں واقع ہائی اسکول میں فائرنگ کرنے والے ملزم نکولس کروز کو عدالت کے سامنے پیش کیا گیا جہاں اس نے اعتراف جرم کرلیا۔

خیال رہے کہ گزشتہ روز فلوریڈا کے ہائی اسکول میں 19 سالہ حملہ آور نے اسکول کے اندر گھستے ہی فائرنگ کردی تھی جس کے نتیجے میں 17 افراد ہلاک جبکہ متعدد زخمی ہوگئے تھے۔

واقعے کے بعد اسکول کے باہر واقع گراؤنڈ میں لوگوں کی بڑی تعداد جمع ہوگئی تھی۔

امریکی صدر ڈونلڈ ٹرمپ نے فائرنگ کے واقعے میں ہلاک ہونے والے افراد کے اہلِ خانہ سے تعزیت کرتے ہوئے کہا تھا کہ کوئی بچہ اور استاد اپنے آپ کو غیرمحفوظ نہ سمجھے۔

فائرنگ کے واقعے پر امریکہ میں سوگ کا سماں ہے، وائٹ ہاؤس پر امریکی پرچم سرنگوں ہے۔


اورلینڈو کےنائٹ کلب میں فائرنگ، 49 افراد ہلاک


یاد رہے کہ 12 جون 2016 کو امریکی ریاست فلوریڈا کے جنوبی شہر اورلینڈو میں ہم جنس پرستوں کے نائٹ کلب میں فائرنگ سے 49 افراد ہلاک جبکہ 53 زخمی ہوگئے تھے۔

واضح رہے کہ 2 اکتوبر 2015 کو امریکی ریاست اوریگن کے ایک کمیونٹی کالج میں فائرنگ کے نتیجے میں 15 افراد ہلاک جبکہ 20 زخمی ہوگئے تھے۔


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

Print Friendly, PDF & Email

Comments

comments

یہ بھی پڑھیں