The news is by your side.

Advertisement

کراچی: ڈیفنس میں دہرے قتل میں ملوث ملزم گرفتار

کراچی: شہر قائد کے علاقے ڈیفنس میں پولیس نے دہرے قتل میں ملوث سابق ملازم کو گرفتار کر لیا۔

تفصیلات کے مطابق کراچی کے علاقے ڈیفنس خیابان بخاری کمرشل میں میاں بیوی کے قتل میں ملوث سابق ملازم کو پولیس نے گرفتار کر لیا۔ایس پی کلفٹن عمران مرزا نے بتایا کہ مقتولین کی عمریں 80 سے 85 سال کے درمیان تھیں۔

ایس پی کلفٹن کا کہنا تھا کہ صبح پونے 6 بجے گھر میں ڈکیتوں کی موجودگی کی اطلاع ملی،پولیس پہنچی توگھر سے 2 لاشیں،ایک زخمی میل نرس موجود تھا۔

عمران مرزا نے بتایا کہ تلاشی کے دوران گھر کے اندر چھپا ہوا ملزم بھی پکڑا گیا،تلاشی کے دوران ملزم سےسونا،چھری، پستول برآمد کر لیا گیا۔ایس پی کلفٹن کا کہنا تھا کہ ملزم ڈیڑھ سال پہلے اس گھر میں ملازم تھا۔

کراچی، فیس واش استعمال کرنے پر بھائی کے ہاتھوں بھائی کا بہیمانہ قتل

کراچی کے علاقے منگھوپیر میں دو روز قبل بھائی نے فیس واش استعمال کرنے پر بھائی کو قتل کر دیا تھا۔ملزم نے قتل کے بعد واقعہ کو ڈکیتی مزاحمت کا رنگ دینے کی ناکام کوشش کی تھی۔

یاد رہے کہ 17 مئی کو  کراچی کے علاقے ناظم آباد میں 55 سالہ خاتون وقار النسا نے اپنی بیٹی نزہت امبرین کو چھری کے وار کر کے قتل کر دیا تھا۔

Comments

یہ بھی پڑھیں