The news is by your side.

Advertisement

ایڈیشنل آئی جی موٹروے کی گاڑی پر فائرنگ کرنے والا ملزم گرفتار

پشاور : ایڈیشنل آئی جی موٹر وے سجاد افضل آفریدی کی گاڑی پر فائرنگ کرنے والے ملزم کو گرفتار کرلیا گیا ، مرکزی ملزم بلال کراچی پولیس کو اہم مقدمات میں مطلوب ہے۔

تفصیلات کے مطابق پشاور پولیس نے ایڈیشنل آئی جی موٹر وے سجاد افضل آفریدی کی گاڑی پر فائرنگ کے ملزم کو گرفتار کرلیا ، دہشت گردی میں ملوث مرکزی ملزم بلال کراچی پولیس کو بھی اہم مقدمات میں مطلوب نکلا۔

اسلام آباد ڈکیتی کیس کے طریقہ کاراور کراچی وارداتوں میں مماثلت پائی گئی اور ڈکیتی میں بلال کی شناخت کے بعد حکام نے گروپ کی تفصیلات حاصل کیں، ملزم بلال کےبارےمیں تمام معلومات ساؤتھ پولیس نےفراہم کی تھیں۔

کراچی میں ویک اینڈ گروپ کے 4 ارکان کراچی سے پکڑے گئے تھے ، ملزم بلال کی گرفتاری کی اطلاعات پرساؤتھ پولیس پشاورپولیس سے رابطہ کرے گی۔

یاد رہے 10ستمبرکو راولپنڈی میں ایم ون پرفائرنگ کاواقعہ پیش آیا تھا، جہاں تھانہ نصیر آباد کی حدود میں مسلح افراد نے ایڈیشنل آئی موٹر وے کی گاڑی پر فائرنگ کی، جس کے نتیجے میں ایڈیشنل آئی جی موٹروےسجاد افضل آفریدی زخمی اور ‏ان کے بھائی نعمان افضل جاں بحق ہوگئے تھے۔

Comments

یہ بھی پڑھیں