نئی دہلی: بھارت میں فحاشی پھیلانے کا الزام عائد کرکے شہری نے طالبہ کو بہیمانہ تشدد کا نشانہ بنایا۔
بھارتی میڈیا کی رپورٹ کے مطابق یہ واقعہ بھارتی شہر اندور میں پیش آیا جہاں امرت جیت نامی شخص نے گرلز ہوسٹل میں نہ صرف طالبہ کو شدید تشدد کا نشانہ بنایا بلکہ ساتھی لڑکیوں کو بھی مغلظات بکیں۔
واقعے سے متعلق ویڈیو بھی سوشل میڈیا پر وائرل ہوگئی۔ ویڈیو میں اوباش شہری کی جانب سے خواتین سے بدتمیزی اور تشدد واضح طور پر دیکھا گیا ہے۔
شہری نے طالبات پر الزام عائد کیا کہ وہ لڑکوں سے باتیں کرتی ہیں جس سے ماحول خراب ہوتا ہے۔
بعد ازاں پولیس نے کارروائی کرتے ہوئے امرت نامی شہری کو گرفتار کرکے مقدمہ درج کرلیا۔ پولیس کا کہنا ہے کہ ملزم پیشے کے اعتبار سے ایک بینکر ہے، جس نے اخلاقیات کا ڈھنڈورا پیٹ کر طالبہ پر تشدد کیا۔
پولیس کے مطابق واقعے سے متعلق تحقیقات کا آغاز کردیا گیا ہے۔
