نئی دہلی : بھارتی شہریوں نے مبینہ طور پر موبائل فون چوری کرنے کے الزام میں لڑکی کو بدترین تشدد کا نشانہ بنا ڈالا، واقعے کی ویڈیو سوشل میڈیا پر وائرل ہوگئی۔
بھارت میں خواتین پر تشدد اور بداخلاقی میں تیزی سے اضافہ ہوتا جارہا ہے، خاتون پر تشدد کی ایک اور ویڈیو بھارت سے وائرل ہوئی ہے جس میں تین نوجوان ایک لڑکی کو زمین پر لٹاکر ڈنڈے سے تشدد کرتے نظر آرہے ہیں۔
واقعہ بھارتی ریاست اتر پردیش میں پیش آیا، جہاں ایک لڑکی پر مبینہ طور پر موبائل فون چوری کرنے کا الزام لگا، جسے سی سی ٹی وی فوٹیج کی مدد سے شناخت کرکے پکڑلیا۔
نوجوانوں نے لڑکی کو پکڑنے کے بعد پولیس کے حوالے کرنے کے بجائے خود سزا دینے کا فیصلہ کیا اور اس سلسلے میں اسے زمین پر لٹاکر ڈنڈے سے بہیمانہ تشدد کا نشانہ بناتے رہے۔
अमेठी में दलित बच्ची को निर्ममता से पीटने वाली ये घटना निंदनीय है। @myogiadityanath जी आपके राज में हर रोज दलितों के खिलाफ औसतन 34 अपराध की घटनाएं होती हैं, और 135 महिलाओं के ख़िलाफ़, फिर भी आपकी कानून व्यवस्था सो रही है।…1/2 pic.twitter.com/mv1muAMxkr
— Priyanka Gandhi Vadra (@priyankagandhi) December 29, 2021
پولیس نے واقعے کی ویڈیو وائرل ہونے پر دو نوجوانوں کو گرفتار کرلیا ہے جن میں سے ایک کی شناخت سورج سونی کے نام سے ہوئی ہے۔
واقعے پر کانگریس کی جنرل سیکریٹری پریانکا گاندھی نے شدید برہمی کا اظہار کرتے ہوئے یوگ حکومت کو تنقید کا نشانہ بنایا اور کہا کہ ‘یوگی جی آپ کے راج میں ہر روز دلتوں کے خلاف اوسطاً جرائم کے 34 کے واقعات رونما ہوتے ہیں، جس میں نشانہ بننے والی اکثریت خواتین کی ہوتی ہے، اس کے باوجود آپ کا نظامِ قانون سو رہا ہے۔
پریانکا گاندھی نے چوبیس گھنٹوں کے دوران تمام ملزمان کو گرفتار کرنے کا مطالبہ کیا اور عدم گرفتاری کی صورت میں احتجاجی تحریک چلانے کی دھمکی دی۔