The news is by your side.

Advertisement

3 سالہ بچی سے زیادتی کرنے والے ملزم کو 16 سال قید کی سزا

کراچی: سیشن عدالت نے تین سالہ بچی سے زیادتی اور تشدد کا نشانہ بنانے والے ملزم کو 16 سال قید کی سزا سنادی اور 60 ہزار روپے جرمانہ بھی عائد کردیا۔

تفصیلات کے مطابق ایڈیشنل ڈسٹرکٹ اینڈ سیشن جج شرقی کی عدالت نے تین سالہ بچی سے زیادتی اور تشدد کا نشانہ بنانے والے ملزم کو سزا سنادی۔

عدالت نے ملزم نعیم کو مجموعی طور پر 16 سال قید کی سزا سنائی اور 60 ہزار روپے جرمانہ بھی عائد کردیا جبکہ ملزم کی اہلیہ کو عدم شواہد کی بناء پر بری کردیا۔

مدعی مقدمے کا کہنا تھا کہ اگست 2017 کو میری تین سالہ بیٹی گھر کے باہر اپنے بھائی کے ساتھ کھیل رہی تھی، میرے بیٹے نے بتایا کہ تین سالہ بیٹی کو نعیم انکل اپنے ساتھ کہیں لے گئے ہیں۔

مدعی مقدمے کے مطابق پہلے ملزم نے بچی سے متعلق لاعلمی کا اظہار کیا بعد میں ملزم نے بتایا کہ بچی میری اہلیہ کے ساتھ شادی پر گئی ہے۔

وکیل مدعی مقدمہ آسیہ منیر نے عدالت کو بتایا نعیم نے جب بچی واپسی کی کہ اسے بخار آیا ہوا تھا، ملزم میری تین سالہ بچی کے سینے پر جلتی ہوئی سگریٹ لگتا رہا جبکہ بچی پر ملزم کی جانب سے تشدد بھی کیا گیا تھا۔

Comments

یہ بھی پڑھیں