The news is by your side.

Advertisement

10 سالہ بچے کو زیادتی کے بعد قتل کرنے والا ملزم گرفتار ، اعترافِ جرم کرلیا

راولپنڈی : گلزار قائد میں 10 سالہ بچے سے زیادتی اور قتل میں ملوث ملزم کو گرفتار کرلیا گیا ، ملزم نے ابتدائی بیان میں بچے کے قتل کا اعتراف کرلیا ہے۔

تفصیلات کے مطابق راولپنڈی میں تھانہ ائیر پورٹ کے علاقے میں 10 سالہ بچے کو مبینہ زیادتی کے بعد قتل کے معاملے میں ملزم کے مقتول بچے کو ساتھ لے جانے کی سی سی ٹی وی فوٹیج سامنے آگئی۔

فوٹیج میں ملزم کاشف کو 10 سالہ بچے کے ساتھ جاتے ہوئے دیکھا جاسکتا ہے ، ملزم نے خاندانی تنازعے پر 10 سالہ بچے کو قتل کر کہ لاش ریلوے ٹریک کے قریب چھپائی تھی۔

پولیس نے سی سی ٹی وی فوٹیج کی مدد سے واقعے میں ملوث ملزم کاشف کو گرفتار کرلیا اور بچےکی لاش کوپوسٹ مارٹم کے لیےاسپتال منتقل کردیا گیا ہے۔

پولیس کا کہنا ہے کہ ملزم نے دوران تفتیش 10 سالہ بچے ثناء اللہ کو قتل کرنے کا اعتراف کرتے ہوئے بتایا کہ بچے کو گھریلو تنازع پر قتل کیا ، بعد ازاں مقدمہ مقتول کی والدہ کی مدعیت میں درج کیا جا رہا ہے۔

Comments

یہ بھی پڑھیں