کراچی: شہر قائد کے علاقے ناظم آباد میں پولیس نے قلفی کی آڑ میں ہیروئن بیچنے والے ملزم کو گرفتار کر لیا۔
تفصیلات کے مطابق کراچی میں سائٹ پولیس نے کارروائی کرتے ہوئے قلفی کی آڑ میں ہیروئن بیچنے والے بین الصوبائی منشیات کے ڈیلر کو گرفتار کر کے 3 کلو ہیروئن برآمد کر لی۔
پولیس حکام نے بتایا کہ ملزم ناظم آباد اور دیگر علاقوں میں ہیروئن سپلائی کرتا تھا،ملزم نے اس سے قبل بھی آئس کریم کی آڑ میں ہیروئن فراہم کرنے کا اعتراف کیا ہے۔
پولیس کا کہنا ہے کہ ملزم سے برآمد ہونے والی 3 کلو ہیروئن کی مالیت انٹرنیشنل مارکیٹ میں کروڑوں روپے کی ہے۔
یاد رہے کہ گزشتہ ہفتے کراچی کے ایسٹ، ویسٹ اور ساؤتھ ذون میں چھاپوں کے دوران مجموعی طور پر 1 ہزار سے زائد ملزمان کو گرفتار کر کے ان کے قبضے سے لاکھوں روپے مالیت کی 90 کلو سے زائد اعلیٰ کوالٹیکی چرس، تین کلو سے زائد آئس اور 243 گرام ہیروئن برآمد کی تھی۔
پولیس حکام کا کہنا تھا کہ گرفتار اسٹریٹ کرمنلز سے شہریوں سے لوٹ مار اور دیگر وارداتوں میں استعمال شدہ 143 سے زائد مختلف اقسام کا غیر قانونی اسلحہ، ایمونیشن، 5 دستی بم، 6 آوان بم، آوان بم لانچر اور تین کلو سے زائد بارودی مواد برآمد کیا تھا۔
