The news is by your side.

Advertisement

سٹیزن پورٹل پر شکایت سنجیدہ نہ لینے والے افسران پر وزیر اعظم برہم ہوگئے

اسلام آباد: وزیر اعظم عمران خان نے سٹیزن پورٹل پر شکایت سنجیدہ نہ لینے والے افسران کے طرز عمل پر اظہار برہمی کرتے ہوئے سخت نوٹس لے لیا ہے۔

تفصیلات کے مطابق سٹیزن پورٹل پر شکایت سنجیدہ نہ لینے والے افسران کے خلاف کارروائی کا فیصلہ کیا گیا ہے، اس سلسلے میں وزارتوں اور محکموں میں 5 رکنی کمیٹی بنائی جائے گی، جس کی سربراہی 20 گریڈ کاا فسر یا جوائنٹ سیکریٹری کرے گا۔

وزیر اعظم آفس کا کہنا ہے کہ کمیٹی متعین افسران کے ڈیش بورڈ کی جانچ پڑتال کر کے رپورٹ جمع کرائے گی، یہ کمیٹی بہترین اور بدترین کارکردگی کے ذمہ داران کے تعین کے ساتھ ساتھ حل، غیر حل شدہ شکایات میں خامیوں کی نشان دہی بھی کرے گی۔

وزارتوں اور محکموں میں قائم کمیٹیاں 30 یوم میں وزیر اعظم کو رپورٹ پیش کریں گی، وزیر اعظم آفس کی جانب سے تمام وزارتوں اور صوبائی اداروں کو خط لکھ دیا گیا ہے، جس میں کہا گیا ہے کہ شکایات گائیڈ لائن کے مطابق حل کیے بغیر بند کی جا رہی ہیں، شکایات کا حل افسران بالا کی بجائے ماتحت اہل کاروں کے سپرد کیا جا رہا ہے، افسران کے پاس شکایات کے حل کا دستاویزی ثبوت بھی نہیں ہوتا۔

یہ بھی پڑھیں:  سٹیزن پورٹل آئندہ سماعت تک نامعلوم درخواستوں پر کارروائی نہ کرے: عدالت

وزیر اعظم آفس کے مطابق شکایات کے حل کا فیصلہ غیر متعلقہ افراد کرتے ہیں، شہریوں کو ردعمل دینے میں غیر ضروری وقت ضائع کیا جاتا ہے، ریلیف نہ دیے جانے کی ٹھوس وجوہ نہیں بتائی جاتیں، جن شکایات پر ریلیف دیا گیا وہاں بھی صورت حال مختلف تھی، منفی فیڈ بیک کی روشنی میں سپروائزری سطح پر شکایات دوبارہ نہیں کھولی جاتیں، شکایات کے حل کا بیان اکثر گمراہ کن ہوتا ہے۔

دریں اثنا، وزیر اعظم نے تمام وزارتوں، محکموں اور اداروں کو اس سلسلے میں جائزہ رپورٹ جمع کرانے کی بھی ہدایت جاری کر دی ہے۔

fb-share-icon0
Tweet 20

Comments

comments

یہ بھی پڑھیں