بیوٹی سیلون پر حملہ: ڈپٹی ڈائریکٹر کراچی اوصاف علی معطل ،نیب ذرائع -
The news is by your side.

Advertisement

بیوٹی سیلون پر حملہ: ڈپٹی ڈائریکٹر کراچی اوصاف علی معطل ،نیب ذرائع

کراچی : اداکارہ شگفتہ اعجاز کے بیوٹی سیلون پر حملہ کرنے والے ڈپٹی ڈائریکٹر نیب اوصاف علی کو معطل کر دیا گیا،اوصاف علی کواختیارات کا ٖغلط استعمال کر نے پر معطل کیا گیا۔

اے آروائی نیوز کی خبر پر نیب نے ایکشن لیتے ہوئے طاقت کا غلط استعمال کرنے والے افسر کو معطل کر دیا، اوصاف علی اور ان کے دیگر ساتھیوں نے بیوٹی پارلر میں توڑپھوڑ کی تھی اے آروائی نیوز نے ڈپٹی ڈائریکٹر کے تشدد سے متعلق خبر نشرکی تھی۔

بیوٹی سیلون میں بیوی کے ہار گُم ہوجانے کا الزام لگاتے ہوئے نیب افسر نے ساتھیوں سمیت معروف اداکارہ شگفتہ اعجاز کے بیوٹی پارلر پر ہلہ بول دیا تھا۔

اداکارہ شگفتہ اعجاز کے بقول نیب افسر امیر اوصاف کے ہمراہ آنے والوں نے ان کے بیوٹی پارلر پر حملہ کیا، گارڈ کو مارا پیٹا توڑ پھوڑ کی، کلائنٹس اور اسٹاف کو ہراساں کیا تھا۔

اداکارہ نے پولیس کو شکایت دج کرائی تو نیب کے دباؤ پر ان کے شوہر سے زبردستی صلح نامے پر دستخط کرالیے گئے اور نیب ذرائع کہتے ہیں دھاوا بولنے والے نیب افسر کو معطل کر دیا گیا ہے۔

Comments

comments

یہ بھی پڑھیں