The news is by your side.

Advertisement

معروف اداکار انور اقبال انتقال کر گئے

کراچی: معروف اداکار انور اقبال طویل علالت کے بعد کراچی میں انتقال کر گئے۔

تفصیلات کے مطابق پاکستان ٹیلی وژن کے سینئر ترین اداکار محمد انور اقبال بلوچ کا انتقال ہو گیا، ان کے داماد شہمرید بلوچ نے انتقال کی خبر کی تصدیق کرتے ہوئے مداحوں سے گزارش کی ہے کہ مرحوم کے لیے دعائیں کریں۔

سینئر آرٹسٹ انور اقبال نے پاکستان ٹی وی انڈسٹری کے ٹاپ کلاس ڈراموں ’شمع‘ اور ’آخری چٹان‘ سے بے پناہ شہرت حاصل کی، وہ ڈراما انڈسٹری کے معروف اداکار تھے، انھوں نے اردو اور سندھی کے کئی ڈراموں میں یادگار کردار ادا کیے۔

انور اقبال کی طبیعت کافی عرصے سے ناساز تھی، اور کراچی کے ایک اسپتال میں ان کا علاج جاری تھا، اہل خانہ کا کہنا ہے کہ وہ گردوں کی تکلیف میں ایک عرصے سے مبتلا تھے۔

ٹی وی کے معروف سینئر اداکار انور اقبال شدید علیل، دعائے صحت کی اپیل

یاد رہے کہ چند دن قبل سوشل میڈیا پر اداکار انور اقبال کی ایک تصویر وائرل ہوئی تھی جس میں وہ اسپتال کے بستر پر موجود ہیں، اس تصویر پر انھوں نے سخت برہمی کا اظہار کیا تھا کہ ان کی اجازت کے بغیر ان کی تصویر لی گئی۔

انھوں نے فیس بک پوسٹ میں 26 جون کو کہا کہ اسپتال میں میری مرضی کے بغیر میری تصاویر لے کر سوشل میڈیا پر وائرل کی گئیں، جس سے میری اور میرے خاندان کی پرائیویسی متاثر ہوئی، میں میڈیا سے درخواست کرتا ہوں کہ میری پرائیویسی اور میرے اہل خانہ اور مداحوں کے جذبات کا خیال رکھیں اور ذمہ داری کا مظاہرہ کریں۔

Comments

یہ بھی پڑھیں