تازہ ترین

وزیراعظم شہبازشریف کو امریکی صدر جو بائیڈن کا خط، نیک تمناؤں کا اظہار

واشنگٹن: امریکی صدر جو بائیڈن نے وزیر اعظم شہباز...

بابر اعظم کو دوبارہ قومی ٹیم کا کپتان بنانے کا فیصلہ ہو گیا

پاکستان کرکٹ بورڈ نے بابر اعظم کو ایک بار...

چین پاکستان معاہدوں کے حوالے سے آئی ایم ایف کا اہم بیان

عالمی مالیاتی ادارے کا کہنا ہے کہ چین پاکستان...

جون تک پی آئی اے کی نجکاری کا عمل مکمل کرلیا جائے گا، وفاقی وزیر خزانہ

کراچی : وزیرخزانہ محمداورنگزیب کا کہنا ہے کہ پی...

خود بدل جانا کافی نہیں، دل چاہتا ہے لوگوں کی مدد کروں، فیروز خان

کراچی: پاکستانی ڈرامہ انڈسٹری کے معروف اداکار فیروز خان نے کہا ہے کہ میرے لیے خود بدل لینا کافی نہیں ہے دل چاہتا ہے کہ لوگوں کی کسی نہ کسی طرح مدد کروں۔

تفصیلات کے مطابق معروف پاکستانی اداکار فیروز خان نے اے آر وائی ڈیجیٹل کے پروگرام ’گڈ مارننگ پاکستان‘ میں شرکت کی اور اپنے نئے آنے والے ڈرامے ’عشقیہ‘ کے حوالے سے میزبان ندا یاسر کے مختلف سوالوں کے جواب دئیے۔

فیروز خان کا کہنا تھا کہ ڈرامے میں ان کے کردار کا نام حمزہ ہے، اور ان کے ساتھ مرکزی کردار میں رمشا خان، ہانیہ عامر ، گوہر خان شامل ہیں۔

اداکار فیروز خان کا کہنا ہے کہ جب چھوٹا تھا تو کبھی اداکار بننے کا سوچا بھی نہیں تھا، اگر اداکار نہ ہوتا تو اپنا کوئی ریسٹورنٹ کھول لیا ہوتا۔

انہوں نے کہا کہ پہلے بہت زیادہ پارٹیوں میں جاتا تھا لیکن اب اس میں کمی آگئی ہے، عمر کا ایک تقاضا ہوتا ہے کہ بندہ ان چیزوں سے دور ہوجاتا ہے۔

فیروز خان کا کہنا تھا کہ اللہ تعالیٰ کو جوانی کی عبادت بہت پسند ہے، مجھے لگتا ہے کہ آپ جوانی میں بہت سی چیزوں کا فیصلہ کرلیں تو باقی کی زندگی خوبصورت ہوجاتی ہے اور رزق کی زیادہ رازق کو ڈھونڈیں تو زیادہ بہتر ہے۔

ایک سوال کے جواب میں فیروز خان کا کہنا تھا کہ زندگی کوئی ایسی چھوٹی چیز نہیں ہوگی کہ ہمیں زندگی میں بھیج دیا گیا ہے اور ذمہ داریاں دے دی گئی ہیں، مجھے حج سے بہت کچھ ملا میں بہت خوش نصیب ہوں۔

اداکار فیروز خان نے کہا کہ ہم لوگ مولانا طارق جمیل صاحب سے ملنے گئے تھے میں بلال عباس کے ساتھ باہر کھڑا تھا تو بلال نے کہا کہ اگر آپ مر جائیں اور آپ سے سوال ہوگا کہ اللہ تعالیٰ نے آپ کو پیسے بھی دئیے پھر بھی آپ نے عمرہ یا حج ادا نہیں کیا۔

فیروز کے مطابق بلال عباس کا یہ سوال میرے ذہن میں رہا اور پھر میں عمرہ اور حج کی سعادت حاصل کرنے کی تھان لی اور اللہ کا شکر ہے کہ میں حج پربھی گیا اور رمضان کے مہینے میں دو عمرہ ادا بھی ادا کیے۔

واضح‌رہے کہ اداکار فیروز خان کا ڈرامہ عشقیہ آج رات 8 بجے نشر کیا جائے گا، فیروز خان کے ساتھ ڈرامے میں‌ ہانیہ عامر، رمشا خان اور گوہر خان اداکاری کے جوہر دکھارہے ہیں.

Comments

- Advertisement -
نعمان ناصر
نعمان ناصرhttps://arynews.tv/
صحافی و بلاگر، 6 سال سے اے آر وائی نیوز سے وابستہ ہیں