تازہ ترین

اداکار حمزہ فردوس کے گھر ننھی پری کی آمد

کراچی: معروف پاکستانی اداکار حمزہ فردوس کے گھر ننھی پری کی آمد ہوئی ہے۔

تفصیلات کے مطابق پاکستانی شوبز انڈسٹری کے لیجنڈ اداکار فردوس جمال کے بیٹے اداکار حمزہ فردوس کے گھر بیٹی کی پیدائش ہوئی ہے جس کی اطلاع انہوں نے سماجی رابطے کی ویب سائٹ انسٹاگرام پر دی۔

حمزہ فردوس نے خوبصورت تصویر شیئر کی جس میں وہ بیٹی کا ہاتھ تھامے ہوئے ہیں، حمزہ فردوس نے لکھا کہ ’اللہ تعالیٰ نے ہمیں بیٹی سے نوازا ہے۔‘

اداکار حمزہ فردوس نے بتایا کہ انہوں نے اپنی بیٹی کا نام ’اریانا مرجان فردوس‘ رکھا ہے۔

حمزہ فردوس کو بیٹی کی ولادت پر مداحوں اور معروف شوبز شخصیات کی جانب سے مبارکباد دینے کا سلسلہ جاری ہے۔

واضح رہے کہ اداکار حمزہ فردوس نے اکتوبر 2019 میں سوشل میڈیا پوسٹ کے ذریعے اعلان کیا تھا کہ وہ اب پاکستان میں مزید کام نہیں کریں گے۔

اداکار کا کہنا تھا کہ اب بین الاقوامی سطح پر کام کروں گا، پاکستان میں کام نہیں کروں گا، آئرش کا ایک پروجیکٹ سائن کیا ہے جس کے لیے ڈبلن جارہا ہوں۔

Comments

- Advertisement -