پاکستان ٹیلی ویژن کے معروف اداکار حسام قاضی 3 جولائی 2004 کو کراچی میں دل کا دورہ پڑنے سے وفات پاگئے تھے۔ آج ان کی برسی منائی جارہی ہے۔
1961 میں پیدا ہونے والے حسام قاضی کا تعلق کوئٹہ سے تھا۔ انھوں نے بیالیس سال کی عمر پائی۔ اپنے فنی کیریئر کا آغاز ڈراما "خالی ہاتھ” سے کرنے والے حسام قاضی کو کاظم پاشا کے ڈراما سیریل "چھائوں” سے پاکستان بھر میں شہرت ملی۔
حسام قاضی نے زمانہ طالبِ علمی میں اسی کی دہائی سے اداکاری کا آغاز کیا تھا۔ وہ کامرس میں ماسٹرز کرنے کے بعد کوئٹہ کے ایک کالج میں لیکچرر تعینات ہوئے، ساتھ ہی اداکاری بھی جاری رہی۔ ٹیلی ویژن کوئٹہ مرکز کے چند نمایاں اور قابلِ ذکر فن کاروں میں ایک نام حسام قاضی بھی تھا۔
ان کے معروف سیریلز میں ماروی، ایمرجنسی وارڈ، کشکول شامل ہیں۔ ان کی آخری زیر تکمیل ڈرامہ سیریل ’’مٹی کی محبت‘‘ تھی۔
Comments
- Advertisement -
