مزاحیہ اداکار’ننھا‘ کو گزرے 30 برس بیت گئے -
The news is by your side.

Advertisement

مزاحیہ اداکار’ننھا‘ کو گزرے 30 برس بیت گئے

الف نون نامی ڈرامے سے شہرت کے بامِ عروج پر پہنچنے والے اداکار رفیع خاور عرف ننھاکو اس دنیا سے رخصت ہوئے 30 برس بیت گئے۔

دو جون 1986ء کو پاکستان کے مشہور مزاحیہ اداکار ننھا نے خودکشی کرکے اپنی زندگی کا خاتمہ کرلیا تھا، اداکار ننھا کا اصل نام رفیع خاور تھا اور وہ 1942ء میں ساہیوال میں پیدا ہوئے تھے۔

پاکستان ٹیلی وژن کے آغاز کے بعد انہوں نے کمال احمد رضوی کے پہلے ڈرامہ سیریل ’’آؤ نوکری کریں‘‘ سے اپنی فنی زندگی کا آغازکیا، اس کے بعد کمال احمد رضوی کی لازوال ڈرامہ سیریل ’’الف نون‘‘ سے ان کی شہرت کا آغاز ہوا۔ اس سیریز میں ان کا کام دیکھ کر شباب کیرانوی نے انہیں اپنی فلم وطن کا سپاہی میں مزاحیہ اداکار کا کردار دے دیا۔

اس کے بعد ننھا نے پلٹ کر نہیں دیکھا اور دو دہائی تک فلمی دنیا میں بطور مزاحیہ اداکار چھائے رہے۔ انہوں نے مجموعی طور پر391 فلموں میں کام کیا جس میں سے 166 فلمیں اردو، 221 فلمیں، پنجابی 3 فلمیں پشتو اور ایک فلم سندھی زبان میں بنائی گئی تھی۔

بطور اداکار ان کی آخری فلم ’’ہم سے نہ ٹکرانا تھی‘‘ جبکہ ان کی آخری ریلیز ہونے والی فلم کا نام ’’پسوڑی بادشاہ‘‘ تھا۔

film-tv-actor-rafi-khawar-remembered-on-his-death-anniversary-1433242251-5224

زندگی کے آخری ایام میں اداکار ننھا، فلمی اداکارہ نازلی کی زلف کے اسیر ہوگئے اور اسی عشق میں ناکامی کے بعد 2 جون 1986ء کو انہوں نے خود کو گولی مار کر اپنی زندگی کا خاتمہ کرلیا۔ وہ علامہ اقبال ٹاؤن، لاہورمیں کریم بلاک کے قبرستان میں آسودۂ خاک ہیں۔

Comments

comments

یہ بھی پڑھیں