بھارتی ڈرامہ انڈسٹری کی اداکار سپنا سنگھ کے 14 سالہ بیٹے کی لاش کھیتوں سے برآمد ہوئی ہے۔
بھارتی میڈیا رپورٹ کے مطابق بھارتی اداکارہ سپنا سنگھ کا 14 سالہ بیٹا آٹھویں جماعت میں زیر تعلیم تھا جس کی لاش برآمد ہونے پر اداکارہ نے بریلی میں احتجاج کیا۔
ساگر کی لاش کا پوسٹ مارٹم کیا گیا لیکن موت کی درست وجہ کا تعین نہیں ہوسکا ہے تاہم رپورٹ میں زہر یا منشیات کی زیادہ مقدار کا ذکر موجود ہے۔
پولیس نے اداکارہ کے بیٹے کے دو دوستوں کو گرفتار کرلیا جن کی شناخت انوج اور سنی کے ناموں سے ہوئی ہے۔
پولیس کو دیے گئے بیان میں سنی اور انوج نے بتایا کہ ساگر نے زیادہ مقدار میں الوکل اور منشیات کا استعمال کیا تھا۔
انہوں نے بتایا کہ منشیات کے زیادہ استعمال کے بعد وہ گر گیا تھا اور اس کے گرنے کے بعد وہ دونوں گھبرا کر لاش کو کھیت میں چھوڑ کر بھاگ گئے تھے۔
پولیس کے مطابق ساگر آٹھویں جماعت کا طالب علم تھا اور بریلی کے علاقے آنند وہار کالونی میں اپنے ماموں اوم پرکاش کے ساتھ رہ رہا تھا۔
