The news is by your side.

Advertisement

نامور اداکار سہیل اصغر انتقال کرگئے

لاہور: پاکستان کے نامور اداکار سہیل اصغر انتقال کرگئے، افسوسناک واقعے کی اہلیہ نے تصدیق کردی ہے۔

تفصیلات کے مطابق سہیل اصغر کی اہلیہ نے بتایا کہ سہیل اصغر گزشتہ ڈیڑھ سال سے علیل تھے، ڈیڑھ سال قبل ان کی بڑی آنت کا آپریشن ہوا لیکن وہ مکمل صحت یاب نہ ہوسکے۔

اہلیہ کے مطابق گذشتہ ایک ہفتے سے طبیعت ناسازی کے باعث وہ اسپتال میں زیر علاج تھے، جہاں وہ آج صبح ساڑھے گیارہ بجے انتقال کرگئے۔

سہیل اصغر کی نماز جنازہ کل بعدنماز عصر بحریہ ٹاؤن میں ادا کی جائے گی۔

فنی کیریئر پر اک نظر

سہیل اصغر کی پیدائش لاہور میں ہوئی اور وہیں انہوں نے تعلیم مکمل کی، جس کے بعد وہ ریڈیو پاکستان کا حصہ بنے، 1978 سے 1988 تک سہیل اصغر ریڈیو جوکی کے طور پر کام کرتے رہے جس کے بعد انہوں نے تھیٹر ڈراموں میں اداکاری شروع کی۔

سہیل اصغر کا شمار پاکستان کے کامیاب اور بہترین اداکاروں میں کیا جاتا ہے، اُن کے مشہور ٹی وی ڈراموں میں لاگ، خدا کی بستی، کاجل گھر، دکھ سکھ ، حویلی، ریزہ ریزہ، پیاس، چاند گرہن اور دیگر ڈرامے شامل ہیں۔

اِس کے علاوہ 2003 میں مرحوم نے پہلی مرتبہ چھوٹی اسکرین سے بڑی اسکرین پر قدم رکھا اور فلم ’مراد ‘ میں اپنی اداکاری کے جوہر دکھائے، اُس کے بعد اُنہوں نے فلم ’ماہ نور‘ میں بھی کام کیا۔

Comments

یہ بھی پڑھیں