ممبئی: پنجابی سنیما کی مشہور بھارتی اداکارہ سونم باجوہ نے انکشاف کیا ہے بالی وڈ فلم میں ’نازیبا مناظر‘ کی وجہ سے کام کرنے سے انکار کردیا تھا۔
ایک فلم پروموشن کے دوران سونم باجوہ نے اعتراف کرتے ہوئے کہا کہ مجھے ایک بالی وڈ فلم آفر کی گئی جس میں ’نازیبا مناظر‘ تھے تو میں نے اس فلم کو کرنے انکار کردیا کیوں کہ مجھے اپنے پنجابی فینز کی فکر تھی کہ ان کا ردعمل کیسا ہوگا۔
سونم باجوہ نے کہا کہ میرے پنجابی فینز مجھے بہت پسند کرتے ہیں اور مجھے لگتا تھا کہ ’نازیبا مناظر‘ کی وجہ سے میری فیملی اور مداحوں کو مایوسی ہوگی۔
اداکارہ کا کہنا تھا کہ اب پنجابی فلم کے ناظرین کا ذائقہ بھی تبدیل ہورہا ہے اور یہاں فلموں میں مختلف تجربات کیے جارہے ہیں، ساتھ ہی میرے والدین بھی اس بات کو قبول کرنے میں کافی حد تک بڑھ گئے ہیں کہ میں اسکرین پر یہ سین کرسکتی ہوں۔
انہوں نے کہا کہ میں سوشل میڈیا پر بعض مسائل پر تبصرہ کرنے سے گریز کرتی ہوں کیونکہ مجھے نہیں پتا کہ میرے بیانات کو مداحوں کی جانب سے کس طرح قبول کیا جائے گا۔
تاہم میں نے اپنی گلیمرس سوشل میڈیا پر موجودگی اور ایک گاؤں کی لڑکی کے طور کے درمیان توازن قائم کرنا سیکھ لیا ہے۔
واضح رہے کہ اداکارہ سونم باجوہ نے 2013 میں پنجابی فلم ’بیسٹ آف لک‘ سے اپنے شوبز کیریئر کا آغاز کیا تھا۔
