لاہور : اداکار و میزبان واسع چوہدری بھی کرونا وائرس کو شکست دینے میں کامیاب ہوگئے۔
تفصیلات کے مطابق پاکستان شوبز انڈسٹری سے وابستہ معروف اداکار و میزبان واسع چوہدری نے کرونا سے صحتیاب ہونے کی تصدیق سماجی رابطے کی ویب ٹوئٹر کے ذریعے کی۔
Alhamdolliah,I have tested Negative for Covid 19.A Big Thank you to everyone for all the messages,prayers & wishes 🙏🙏
— vasay chaudhry (@vasaych) June 17, 2020
واسع چوہدری نے اپنے ٹویٹ میں کہا کہ ’الحمد اللہ میرا کرونا ٹیسٹ منفی آیا ہے، میں آپ سب کی دعاوں ، پیغامات اور نیک خواہشات کا تہہ دل سے شکر گزار ہوں‘۔
یاد رہے کہ رواں ماہ کے آغاز پر واسع چوہدری کرونا وائرس میں مبتلا ہوگئے تھے جس کے بعد انہوں نے خود کو قرنطینہ کرلیا تھا، جس کی اطلاع انہوں نے ٹوئٹر کے ذریعے اپنے مداحوں کو دی تھی۔
اداکار واسع چوہدری کرونا وائرس میں مبتلا
واسع چوہدری بتایا تھا کہ انہیں کرونا کی کوئی علامات ظاہر نہیں ہورہی ہیں، ان کا کہنا تھا کہ اہلخانہ کا بھی کرونا ٹیسٹ کرایا تھا سب کے نتائج منفی آئے ہیں۔
ان کا کہنا تھا کہ جن سب سے میں رابطے میں رہا ان کو پہلے ہی بتادیا ہے کہ تاکہ وہ بھی اپنا کرونا ٹیسٹ کروالیں یا ضرورت ہو تو خود کو آئسولیٹ کرلیں۔