The news is by your side.

Advertisement

’’ہم خوش قسمت تھے، مشکلات میں آسانی کو پاسکے‘‘

کراچی: شوبز انڈسٹری کی معروف اداکار زاہد احمد کی اہلیہ آمنہ زاہد نے شوہر کے نام محبت بھرا پیغام شیئر کردیا۔

پاکستانی ڈرامہ انڈسٹری کے معروف اداکار زاہد احمد کی اہلیہ آمنہ زاہد نے سماجی رابطے کی ویب سائٹ انسٹاگرام پر زاہد احمد کی کامیابی اور ازدواجی زندگی سے متعلق طویل پوسٹ شیئر کی جسے مداحوں کی جاب سے خوب سراہا جارہا ہے۔

آمنہ زاہد نے لکھا کہ ’زاہد آج بطور اداکار اور ایک فرد کی حیثیت سے جہاں ہیں میں اس کے لیے اللہ کی شکر گزار ہوں، اس کے طریقے واقعی جادوئی ہیں، وہ ہر مشکل کے ساتھ آسانی رکھتا ہے، ہم خوش قسمت تھے کہ مشکلات میں آسانی کو پاسکے۔‘

اداکار کی اہلیہ کا کہنا تھا کہ ‘ہمارا سفر اہم واقعات پر مبنی رہا جس میں کچھ نقصان، کچھ درد لیکن غیر معمولی اسباق، کچھ جدوجہد، کچھ غلطیاں، لیکن بہت زیادہ ایمانداری شامل ہے۔‘

آمنہ زاہد نے لکھا کہ ’کچھ وقت برا اور تنہا گزرا لیکن بہت سے حیرت انگیز دوست اور فائدہ مند کیریئر ملا بس ہمیں خدا کی قوت پر یقین کو مضبوط کرنا ہوتا ہے۔‘

انہوں نے زاہد احمد کو مخاطب کرتے ہوئے کہا کہ ’میں واقعی زندگی میں آپ کو پانے پر بے حد خوش ہوں اور حقیقت میں آپ کی کامیابیوں پر فخر ہے۔‘

اداکار کی اہلیہ نے پوسٹ کے آخر میں شکوہ کیا کہ ’اب میں آپ کے لیے صرف یہی دعا کرتی ہوں کہ آپ واٹس ایپ میسیجز کا رپلائی دینا شروع کردیں۔‘

واضح رہے کہ اداکار زاہد احمد اے آر وائی ڈیجیٹل کے ڈرامہ سیریل ‘فریاد‘ میں منفی کردار نبھا رہے ہیں، ڈرامے کی دیگر کاسٹ میں عائزہ اعوان، عدیل چوہدری، نول سعید، گل رعنا، زینب قیوم، مریم انصاری، ثنا عسکری ودیگر شامل ہیں۔

Comments

یہ بھی پڑھیں