The news is by your side.

Advertisement

مجھے بلیک میل کرنے کے لئے جعلی نکاح نامہ بنایا گیا، اداکارہ میرا

لاہور : اداکارہ میرا نے کہا ہے کہ عتیق الرحمان نے انہیں بلیک میل کرنے کے لئے جعلی نکاح نامہ بنایا ہے، پوری امید ہے کہ تکذیب نکاح کیس میں عدالت سے انصاف ملے گا۔

یہ بات انہوں نے لاہور کی عدالت میں پیشی کے بعد میڈیا سے گفتگو کرتے ہوئے کہی، نت نئے انداز میں عدالت میں پیش ہونے والی میرا تکذیب نکاح کیس میں لاہور ہائی کورٹ میں پیشی کے موقع پر اداکارہ میرا نے گلابی انگلش بولنے سے پرہیز کیا اور سنجیدگی کا مظاہرہ کرتی رہیں۔

کالاچشمہ، چادر اور مخملی لانگ کوٹ زیب تن کیے ہوئے اداکارہ میرا نے اپنی گفتگو میں کہا کہ سستی شہرت کیلئے میرے خلاف جھوٹا کیس بنایا گیا، یہ بھی ثابت ہو چکا ہے کہ میری جعلی ویڈیوز بنائی گئی تھیں۔


مزید پڑھیں: عدالت میں پیشی پراداکارہ میرا کی ادائیں اورگلابی انگریزی


اس موقع پر ان کے وکیل کا کہنا تھا کہ عتیق الرحمان نے جعلی نکاح نامہ بنایا، میری مؤکلہ اداکارہ میرا کو قانون کے مطابق شادی کرنے کا پورا حق حاصل ہے، عدالت نے عتیق الرحمان کے وکیل کو آٹھ نومبر کو طلب کرلیا۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Print Friendly, PDF & Email

Comments

comments

یہ بھی پڑھیں