تازہ ترین

چین پاکستان معاہدوں کے حوالے سے آئی ایم ایف کا اہم بیان

عالمی مالیاتی ادارے کا کہنا ہے کہ چین پاکستان...

جون تک پی آئی اے کی نجکاری کا عمل مکمل کرلیا جائے گا، وفاقی وزیر خزانہ

کراچی : وزیرخزانہ محمداورنگزیب کا کہنا ہے کہ پی...

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

اداکارہ انجمن نے طلاق کی خبروں پر خاموشی توڑ دی

کراچی: ماضی کی معروف اداکارہ انجمن شاہین نے شوہر کی جانب سے طلاق دئیے جانے کی خبروں کی تردید کردی۔

تفصیلات کے مطابق ماضی کی معروف اداکارہ انجمن شاہین کو ان کے شوہر کی جانب سے ایک طلاق دینے کی خبریں گردش کررہی تھیں تاہم اداکارہ کی جانب سے ان خبروں کی تردید کردی گئی ہے۔

واضح رہے کہ وسیم علی عرف لکی علی نے اداکارہ انجمن سے گزشتہ سال جولائی میں شادی کی تھی لیکن اطلاعات ہیں کہ وسیم علی نے انجمن کو ایک طلاق دی ہے جس کی تصدیق لکی علی اور انجمن کے مشترکہ فلمی دوست نے کی تھی۔

وسیم علی نے تصدیق کرتے ہوئے کہا کہ انہوں نے انجمن کو پہلی طلاق دے دی ہے تاہم انہوں نے طلاق کی وجوہات نہیں بتائیں۔

مزید پڑھیں: اداکارہ انجمن نے تریسٹھ برس کی عمر میں دوسری شادی کرلی

دوسری جانب اداکارہ نے ان خبروں کی تردید کرتے ہوئے کہا ہے کہ وہ اپنے شوہر کے ہمراہ رواں ہفتے عمرے کی ادائیگی کے لیے جارہی ہیں، انہوں نے یہ بھی کہا کہ اللہ جھوٹی خبریں پھیلانے والوں کو ہدایت دے۔

ذرائع کا کہنا ہے کہ دونوں کے درمیان کافی دنوں سے اختلافات چل رہے تھے اس حوالے سے لکی علی اور انجمن کے مشترکہ فلمی دوست نے بھی تصدیق کی ہے۔

یاد رہے کہ وسیم علی عرف لکی علی اور انجمن گزشتہ سال جون میں رشتہ ازدواج میں منسلک ہوئے تھے۔

Comments

- Advertisement -