The news is by your side.

Advertisement

ماضی کی معروف اداکارہ فردوس بیگم انتقال کرگئیں

لاہور: پاکستان فلم انڈسٹری کی سینئر اداکارہ فردوس بیگم انتقال کرگئیں، ان کی عمر اتہتر سال تھیں۔

خاندانی ذرائع نے فردوس بیگم کے انتقال کی تصدیق کرتے ہوئے بتایا کہ وہ دو روز سے لاہور کے نجی اسپتال میں زیر علاج تھیں، جہاں وہ آج دوران علاج دم توڑ گئیں،دو روز قبل فردوس بیگم کو برین ہیمرج ہوا تھا

لالی وڈ کی سینئر اداکارہ اداکارہ فردوس بیگم 4 اگست 1947 کو لاہور میں پیدا ہوئیں، ان کی عمر 73 سال تھیں، فلم نگری میں فردوس کے نام سے شہرت پانے والی پروین نے اپنی اداکاری کے باعث مداحوں کے دلوں اور سینما اسکرین پر خوب راج کیا۔

فلم ملنگی، ہیر رانجھا، انسانیت سمیت ایک سو پچاس سے زائد فلموں میں اداکاری کے جوہر دکھانے والی فردوس کے مکالمے جہاں دلوں میں گھر کر جاتے وہیں ان کی فلموں کے گیت آج بھی کانوں میں رس گھولتے ہیں۔

معروف اداکارہ نے پسماندگان میں دو بیٹیاں اور ایک بیٹا چھوڑا ہے، فردوس بیگم کو پاکستانی فلم انڈسٹری کی ہیر بھی کہا جاتا تھا۔

Comments

یہ بھی پڑھیں