پاکستانی ڈرامہ انڈسٹری کی معروف اداکارہ ہانیہ عامر، وہاج علی، زاویار نعمان کا نیا ڈرامہ سیریل ’مجھے پیار ہوا تھا‘ اے آر وائی ڈیجیٹل پر نشر کیا جائے گا۔
فوٹو اور ویڈیو شیئرنگ ایپ انسٹاگرام پر اداکارہ ہانیہ عامر نے اپنی نئی تصویر شیئر کی جس میں انہیں خوشگوار موڈ میں دیکھا جاسکتا ہے۔
اداکارہ نے تصویر شیئر کرتے ہوئے کیپشن میں ’مہیر‘ کا ہیش ٹیگ استعمال کیا اور ساتھ ہی نئے ڈرامہ سیریل کا نام ’مجھے پیار ہوا تھا۔‘ بھی لکھا۔
View this post on Instagram
ہانیہ عامر نے چند گھنٹوں قبل یہ پوسٹ شیئر کی جسے اب تک لاکھوں کی تعداد میں ان کے مداح دیکھ چکے ہیں اور ڈرامہ سیریل ’مجھے پیار ہوا تھا‘ کا بے چینی سے انتظار کررہے ہیں۔
اداکارہ نے انسٹاگرام پوسٹ میں بگ بینگ انٹرٹینمنٹ اور اے آر وائی ڈیجیٹل کو بھی مینشن کیا۔
واضح رہے کہ اس سے قبل ہانیہ عامر اے آر وائی ڈیجیٹل کے ڈرامہ سیریل ’عشقیہ‘ میں اور میرے ہمسفر میں اداکاری کے جوہر دکھائے تھے، عشقیہ میں ان کے ہمراہ فیروز خان، گوہر رشید، رمشا خان، خالد انعم، شبیر جان، ودیگر بھی شامل تھے جبکہ میرے ہمسفر میں فرحان سعید، حرا خان، صبا حمید، وسیم عباس ودیگر نے اداکاری کے جوہر دکھائے تھے ۔
اداکارہ انسٹاگرام پر کافی متحرک رہتی ہیں اور اکثر اپنی مزاحیہ ویڈیو اور تصاویر بھی شیئر کرتی رہتی ہیں جسے ان کے مداح بھی پسند کرتے ہیں۔
View this post on Instagram
