کراچی : اداکارہ حرا مانی نے خود کو عاصم اظہر کا مداح قرار دیتے ہوئے کہا کہ سوشل میڈیا پر عاصم کی تصویر شیئر کرنے کا ہرگز یہ مطلب نہیں کہ میں گلوکار کی حمایت کررہی ہوں۔
ان خیالات کا اظہار اداکارہ حرا مانی نے نجی ٹی وی چینل کے پروگرام میں گفتگو کرتے ہوئے کیا، انہوں نے کہا کہ گلوکار عاصم اظہر میری پسندیدہ شخصیت ہیں، میں ان کے ساتھ کام کیا ہے وہ بہت اچھی شخصیت کے حامل ہیں۔
انہوں نے کہا کہ عاصم اظہر اور ہانیہ عامر کے تنازعے کے دوران سوشل میڈیا پر عاصم اظہر کی تصویر شیئر کرنے کا مطلب ہر گز یہ نہیں کہ میں عاصم کی حمایت کررہی ہوں۔
اداکارہ نے مزید کہا کہ اس وقت عاصم اظہر ایک خوشگوار اور پُرسکون زندگی بسر کررہے ہیں اور مجھے اُمید ہے کہ وہ آگے بھی اپنی زندگی اسی طرح گُزاریں گے۔
واضح رہے کہ ماضی میں عاصم اظہر اور ہانیہ عامر کے درمیان گہری دوستی قائم تھی بعد ازاں دونوں نے راہیں جدا کرلی تھیں جس کے بعد گلوکار کو شدید تنقید کا نشانہ بنایا گیا تھا۔
اب تقریباً دیڑھ برس بعد گزشتہ دنوں ہانیہ عامر اور عاصم اظہر میں سوشل میڈیا پر لفظی جنگ جاری رہی۔
