The news is by your side.

Advertisement

اداکارہ مریم انصاری کی شوہر کے ہمراہ ویڈیو وائرل

کراچی: پاکستانی ڈرامہ انڈسٹری کی معروف اداکارہ مریم انصاری کی شوہر اویس خان کے ہمراہ خوبصورت ویڈیو وائرل ہوگئی۔

شوبز انڈسٹری کی معروف اداکارہ مریم انصاری گزشتہ روز سابق قومی کرکٹر معین خان کے بیٹے اویس خان کے ساتھ رشتہ ازدواج میں منسلک ہوئیں، اداکارہ کی شوہر کے ہمراہ خوبصورت ویڈیو سوشل میڈیا پر وائرل ہورہی ہے جسے مداحوں کی جانب سے خوب سراہا جارہا ہے۔

ویڈیو میں دیکھا جاسکتا ہے کہ مریم انصاری اور اویس خان خوشگوار موڈ میں دکھائی دے رہے ہیں، ویڈیو کے بیک گراؤنڈ میں ماضی کا مشہور گانا ’آئے ہو میری زندگی میں تم بہار بن کے‘ بھی سنا جاسکتا ہے۔

مداحوں کی جانب سے اداکارہ کی ویڈیو اور تصاویر کو خوب سراہا جارہا ہے اور انہیں شادی کی مبارک بادیں دینے کا سلسلہ جاری ہے۔

واضح رہے کہ اداکارہ مریم انصاری سابق قومی کرکٹر معین خان کے بیٹے اویس خان کے ساتھ گزشتہ روز رشتہ ازدواج میں منسلک ہوئیں، اداکارہ کی شادی میں متعدد شوبز شخصیات نے شرکت کی تھی۔

اویس خان نے اپنی انسٹاگرام اسٹوریز میں اداکارہ مریم انصاری سے نکاح اور شادی کی دیگر تقریبات کی ویڈیوز اور تصاویر شیئر کیں تھیں۔

واضح رہے کہ مریم انصاری اداکار علی انصاری کی بہن ہیں، اے آر وائی ڈیجیٹل پر مریم انصاری کا ڈرامہ ’فریاد‘ انہی دنوں نشر کیا جارہا ہے۔

Comments

یہ بھی پڑھیں