لندن: نوبیل انعام یافتہ ملالہ یوسفزئی نے نئے آئی فون کے بارے میں دل چسپ ٹویٹ کیا ہے، جسے متعدد بار ری ٹویٹ کیا گیا۔
تفصیلات کے مطابق کیلی فورنیا میں گزشتہ روز ایپل کمپنی کی جانب سے آئی فون 11 پرو کی پروموشن کی تقریب کے فوراً بعد ملالہ نے ٹویٹ کیا کہ جو کپڑے آج انہوں نے زیب تن کیے ہیں وہ آئی فون کے ٹرپل کیمرا سے غیرمعمولی طور پر ملتے جلتے ہیں۔
خیال رہے کہ ایپل کے فون میں تین کیمرے تھے اور ملالہ یوسف زئی کی پاکستانی ثقافت سے مزین قمیص کا ڈیزائن اس سے مشابہ ہے۔
کچھ صارفین نے آئی فون کے ٹرپل کیمرا کو ناریل سے تشبیہ دی تو کسی نے اسی انگوٹھی کہا، تاہم سوشل میڈیا پر زیادہ تر ملالہ کا ٹویٹ اور ان کے پہنے ہوئے کپڑے ہی زیر بحث رہے۔
اس ٹویٹ پر طرح طرح کے ردعمل آئے، اکثریت نے اسے پسند کیا، مگر کچھ صارفین کی جانب سے ملالہ پر تنقید کرتے ہوئے کہا گیا کہ انھیں مقبوضہ کشمیر سے متعلق ٹویٹ کرنی چاہیے تھی۔
Is this just a coincidence that I wore this dress on the same day as Apple iPhone 11’s launch #iPhone11 pic.twitter.com/k6s4WM4HKq
— Malala (@Malala) September 10, 2019
ایسا ہی تبصرہ اداکارہ اور ماڈل متھیرا کی جانب سے بھی آیا، جنھوں نے لکھا کہ’نوبیل انعام یافتہ پاکستانی طالبہ کو نئے آئی فون اور اپنے کپڑوں کے بجائے بھارتی اداکارہ پریانکا چوپڑا اور مقبوضہ کشمیر کی صورت حال پر بات کرنی چاہئے تھی۔
متھیرا کے جوابی ٹویٹ کے بعد کچھ صارفین نے ملالہ کی حمایت میں ٹویٹ کرتے ہوئے کہا کہ کسی کو یہ حق نہیں پہنچتا کہ وہ نوبل انعام یافتہ پاکستانی لڑکی کو حکم دے کہ ان کو کیا کرنا چاہئے اور کیا نہیں کرنا چاہیے۔
خیال رہے کہ ملالہ نے بھارت کے غیر قانونی اقدام کے فوری بعد اس پر تشویش کا اظہار کیا تھا۔