پاکستانی فلم انڈسٹری کی معروف اداکارہ ریشم نے مسلم لیگ نواز کے صدر شہباز شریف کی حمایت کا اعلان کردیا۔
شہباز شریف کی حمایت کا اعلان پاکستانی فلم انڈسٹری کی نامور اداکارہ ریشم نے سابق وزیراعظم عمران خان کے خلاف تحریک عدم اعتماد کامیاب ہونے پر خوشی کا اظہار کرتے ہوئے کیا۔
فوٹو و ویڈیو شیئرنگ ایپلی کیشن انسٹاگرام پر شیئر کی گئی ویڈیو میں پوری قوم کو مبارک پیش کی اور کہا کہ ‘ایک باب ختم ہوا، امید ہے یہ نیا باب سنہرا اور تابناک ہوا’۔
ویڈیو کے آخر میں ساتھیوں فنکاروں کا ذکر کرتے ہوئے کہا کہ ساتھی فنکاروں نے بہت سے نعرے لگائے، اب میں بھی دل گہرائیوں سے ایک نعرہ ضرور لگاؤں گی ‘شہباز شریف زندہ باد، پاکستان زندہ باد’۔
خیال رہے کہ قومی اسمبلی میں عمران خان کے خلاف عدم اعتماد کی قرارداد 174 ووٹوں سے کامیاب ہوگئی ہے۔
پاکستان تحریک انصاف 25 جولائی 2018ء کے عام انتخابات کے نتیجے میں برسراقتدار آئی اور عمران خان نے 18 اگست 2018ء کو وزارت عظمیٰ کا حلف اٹھایا۔
