The news is by your side.

Advertisement

اداکارہ سونیا حسین کی موٹر سائیکل چلانے کی ویڈیو وائرل

کراچی: پاکستانی ڈرامہ انڈسٹری کی معروف اداکارہ سونیا حسین نے 73واں جشن آزادی موٹر سائیکل چلا کر منایا جس کی ویڈیو سوشل میڈیا پر وائرل ہوگئی۔

تفصیلات کے مطابق گزشتہ روز ملک بھر میں پاکستان کا 73واں جشن آزادی جوش و خروش سے منایا گیا، ہر شخص نے اپنے اپنے انداز میں ملک سے محبت کا اظہار کیا۔

پاکستانی اداکارہ سونیا حسین نے بھی انوکھے انداز میں آزادی کا جشن منایا اور موٹر سائیکل چلائی جس کی ویڈیو سوشل میڈیا پر وائرل ہوگئی۔

اداکارہ کی جانب سے شیئر کی گئی ویڈیو میں دیکھا جاسکتا ہے کہ وہ جینز کے ساتھ سفید رنگ کی شرٹ زیب تن کی ہوئی ہیں اور موٹر سائیکل چلا رہی ہیں۔

اداکارہ نے ویڈیو اور تصویر شیئر کرتے ہوئے کیپشن لکھا کہ ’دل دل پاکستان، جان جان پاکستان۔‘

سونیا حسین کی جانب سے منفرد انداز میں جشن آزادی منانے پر مداح حیران رہ گئے اور ان کی صلاحیتوں کی تعریف کررہے ہیں۔

واضح رہے کہ اداکارہ سونیا حسین نے اے آر وائی ڈیجیٹل کے ڈرامہ سیریل ’ایسی ہے تنہائی‘ میں مرکزی کردار ادا کیا تھا، ڈرامے میں اداکار سمیع خان، نادیہ خان، صبا حمید، شہریار زیدی، سیمی پاشا ودیگر بھی موجود تھے۔

Comments

یہ بھی پڑھیں