معروف بھارتی اداکارہ سواتی ستیش کا چہرہ غلط سرجری کے باعث بگڑ گیا۔
بھارتی میڈیا رپورٹس کے مطابق کنڑ فلم انڈسٹری کی اداکارہ سواتی ستیش روٹ کینل سرجری کروانے کے لیے ڈینٹل کلینک گئیں جہاں ڈاکٹروں نے ان کے دانتوں کی سرجری غلط انداز میں کی جس سے ان کے مسوڑے اور چہرے پر سوجن آگئی۔
سواتی ستیش کا کہنا تھا کہ ڈاکٹروں نے بولا تھا کہ چند گھنٹوں میں چہرہ ٹھیک ہوجائے گا لیکن سرجری کے 20 دن گزرنے کے بعد بھی کوئی فرق نہیں پڑا۔
اداکارہ کا کہنا تھا کہ واقعے کی وجہ سے کئی دنوں سے گھر میں محصور ہوکر رہ گئی ہیں اور شوٹنگ بھی متاثر ہورہی ہے۔
View this post on Instagram
بھارتی میڈیا کے مطابق سواتی سوجے ہوئے چہرے کا علاج ایک دوسرے اسپتال سے کروانے کے بعد اب صحت یاب ہورہی ہیں۔
واضح رہے کہ اداکارہ سواتی ستیش فلم ’ایف آئی آر‘ اور 6 ٹو 6 میں اداکاری کے جوہر دکھا چکی ہیں۔
یاد رہے کہ گزشتہ ماہ کنڑ ٹی وی کی مقبول 21 سالہ اداکارہ چیتنا راج غلط پلاسٹک سرجری کی پیچیدگیوں کی وجہ سے اپنی جان سے ہاتھ دھو بیٹھی تھیں۔
