پاکستان ڈرامہ انڈسٹری کی معروف اداکارہ ژالے سرحدی کی ایک دلچسپ ویڈیو سوشل میڈیا پر تمام کوگوں کی توجہ کا مرکز بن گئی ہے۔
فوٹو اینڈ ویڈیوز شیئرنگ ایپلی کیشن انسٹا گرام پر ژالے سرحدی نے ایک ویڈیو شیئر کی ہے جس کے کیپشن میں اداکارہ نے لکھا کہ ”11 لوگوں کو میسیج نہ بھیجنے کا نتیجہ۔“
ویڈیو میں ژالے سرحدی کہتی ہیں کہ ”کبھی کبھی مجھے لگتا ہے کہ میری زندگی کے سارے مسائل اُس ایک میسیج کی وجہ سے ہیں جو میں نے 11 لوگوں کو نہیں بھیجا۔“
View this post on Instagram
ژالے سرحدی کی اس ویڈیو کو مداحوں کی جانب سے کافی پسند کیا جا رہا ہے۔ ویڈیو کو اب تک 1 ہزار سے زائد لوگ پسند کر چکے ہیں اور اس پر تبصرے بھی جاری ہیں۔
کچھ روز قبل ژالے سرحدی نے مزاحیہ ویڈیو شیئر کرتے ہوئے مداحوں سے رائے مانگی تھی۔ ویڈیو شیئر کرتے ہوئے اداکارہ نے کیپشن لکھا تھا کہ ”آپ کی رائے میں کیا چیز اہم ہے، برائے کرم تبصرہ کریں۔“
مزاحیہ ویڈیو میں ژالے سے پوچھا جاتا ہے کہ ”سورج زیادہ اہم ہے یا چاند، ژالے کہتی ہیں کہ مجھے لگتا ہے کہ چاند زیادہ اہم ہے کیونکہ چاند رات کو روشنی دیتا ہے۔“
اداکارہ سے پوچھا جاتا ہے کہ ”تو پھر سورج کیا کرتا ہے۔“ اس پر ژالے مسکراتے ہوئے کہتی ہیں کہ ”سورج بھی دن میں روشنی دیتا ہے لیکن دن میں روشنی کی کیا ضرورت ہے۔“
View this post on Instagram
