The news is by your side.

Advertisement

گلشن حدید دھماکے میں بیرونی ہاتھ ملوّث ہے، آئی جی سندھ اے ڈی خواجہ

کراچی : آئی جی سندھ اے ڈی خواجہ نے کہا ہے کہ گلشن حدید دھماکے میں بیرونی ہاتھ ملوّث ہے، کراچی میں امن پولیس کے شہداء کی قربانیوں کا نتیجہ ہے۔

تفصیلات کے مطابق آئی جی سندھ اے ڈی خواجہ نے گلشن حدید دھماکے میں غیرملکی ہاتھ ملوث قرار دے دیا، ان کا کہنا ہے کہ ملک دشمن عناصر کو پاک چائنا تعلقات دوستی ہضم نہیں ہورہی، دشمن قوتیں کراچی سمیت ملک بھر کا امن تباہ کرنا چاہتی ہیں۔

ان خیالات کا اظہار انہوں نے گارڈن پولیس ہیڈ کوارٹر میں پولیس شہداء کی تقریب سےخطاب کرتے ہوئے کیا۔

اے ڈی خواجہ نے کہا کہ پولیس کے شہداء کی قربانیوں سے کراچی میں امن قائم ہوا،جو ملک دشمن عناصر کو ایک آنکھ نہیں بھا رہا لیکن ان کی تمام سازشیں ناکام بنادیں گے۔

مزید پڑھیں: گلشن حدید میں گاڑی کے قریب دھماکہ،چینی انجینیئر سمیت تین افراد زخمی

گلشن حدید میں ہونے والے دھماکے کے بارے میں آئی جی سندھ کا کہنا تھا کہ اس واقعے میں بھی غیر ملکی ہاتھ ملوث ہے۔ تقریب میں شریک شہداء کےاہلِ خانہ کا کہنا تھا کہ وہ اپنے شہداء کا غم نہیں بھلاسکتے،تاہم مشکل وقت میں پولیس افسران نےان کا بھرپور ساتھ دیا ہے۔

ایک شہید پولیس افسر کی بیوہ نے اپنے یتیم بچوں کو اچھی تعلیم دلوانے کے عزم کا بھی اظہار کیا۔ تقریب میں ٹریفک پولیس افسران نےشہداء کےاہلِ خانہ میں رمضان المبارک کا راشن اور تحائف بھی تقسیم کئے۔

 

Comments

comments

یہ بھی پڑھیں