The news is by your side.

Advertisement

توانائی سیکٹر ، پاکستان کو 30 کروڑ ڈالر ملیں گے

اسلام آباد: ایشیائی ترقیاتی بینک نے پاکستان کو مزید 30 کروڑ ڈالر دے گا ، یہ فنڈ توانائی سیکٹر میں اصلاحات کیلئے فراہم کئے جائیں گے۔

تفصیلات کے مطابق ایشیائی ترقیاتی بینک نے پاکستان کے توانائی سیکٹر کیلئے تیس کروڑ ڈالر کی منظوری دے دی، اے ڈی بی کی جانب سے یہ رقم توانائی سیکٹرریفارمز کے لئے دی جائے گی۔

اے ڈی بی کا کہنا ہے کہ پاور سپلائی چین میں رقم کی قلت سرکلرڈیٹ کی شکل اختیار کر جاتی ہے، گردشی قرضوں کاحجم دس ارب ڈالر سے تجاوز کر گیا ہے، یہ توانائی سیکٹر کیلئےسب سےبڑا مسئلہ ہے۔

اعلامیہ میں مزید کہا گیا سرکلرڈیٹ کے خاتمے کیلئے پروگرام اے ڈی بی کے تعاون سے جاری ہے اور اصلاحاتی پروگرام سے سرکلر ڈیٹ میں اضافے کو روکا جائے گا۔

مزید پڑھیں : ایشیائی ترقیاتی بینک پاکستان کو ایک ارب ڈالر دے گا

اس سے قبل ایشیائی ترقیاتی بینک نے پاکستان کیلئے ایک ارب ڈالرکی منظوری دی تھی، یہ فنڈایمرجنسی بجٹ سپورٹ کیلئے دیا گیا اور اسپیشل پالیسی بیسڈ لون آئی ایم ایف کے ملٹی ڈونز پروگرام کاحصہ ہے۔

اس پروگرام سے پاکستان کو آئی ایم ایف کے علاوہ دیگر مالیاتی اداروں سے تقریبا اڑتیس ارب ڈالر ملنے کا امکان ہے، آئی ایم ایف کے زیرانتظام یہ پروگرام پاکستانی معیشت کو استحکام دینے کیلئے ہے۔

Comments

comments

یہ بھی پڑھیں