The news is by your side.

Advertisement

کراچی کے ہوٹلوں اور ڈھابوں پر مفت کھانا کھانے والے پولیس والوں کیلئے بری خبر

کراچی : ایڈیشنل آئی جی کراچی غلام نبی میمن نے پولیس افسران و ملازمین کیلئے ہوٹلوں اور ڈھابوں پر مفت کا کھانا پینا فوری طور پر ترک کرنے کا حکمنامہ جاری کردیا۔

تفصیلات کے مطابق کراچی کے ہوٹلوں اور ڈھابوں پر مفت کھانا کھانے والے پولیس والوں کیلئے بری خبر آگئی ، ایڈیشنل آئی جی کراچی غلام نبی میمن نے سخت حکمنامہ جاری کردیا۔

جس میں کہا گیا ہے کہ پولیس افسران وملازمین مفت کاکھاناپینافوری طورپرترک کردیں، حکمنامہ تینوں زونزکےڈی آئی جیز کو لکھا گیا ہے۔

ایڈیشنل آئی جی کراچی غلام نبی میمن نے کہا ہے کہ پولیس افسران ،اہلکاروں کیخلاف شکایات موصول ہوتی ہیں، کھانے پینے کی اشیا بغیر رقم یا زیادہ رعایت پر مانگی جاتی ہیں اور پولیس کایہ رویہ اختیارات کےناجائزاستعمال میں شمارہوتا ہے۔

غلام نبی میمن کا کہنا تھا کہ ایک ضمن میں بھتہ بھی گردانا جاتا ہے، ایسا عمل عوام کی نظر میں پولیس کیلئےنفرت کاباعث بنتا ہے۔

کراچی چیف نے خبردار کیا کہ صاف ،واضح پیغام تمام ماتحت پولیس افسران ،ملازمین تک پہنچایا جائے اور غیراخلاقی سرگرمیوں کو فوری طور پر ترک کیا جائے۔

انھوں نے کہا اب اس قسم کی کوئی شکایت نظرانداز نہیں کی جائے گی،سخت تادیبی کارروائی عمل میں لائی جائے گی۔

Comments

یہ بھی پڑھیں