The news is by your side.

Advertisement

کورونا سے جاں بحق فرنٹ لائن فائٹرز کو شہید کا درجہ دینے کی سفارش

کراچی : ایڈیشنل آئی جی کراچی غلام نبی میمن نے کورونا سے جاں بحق فرنٹ لائن فائٹرزکوشہید کادرجہ دینے کی سفارش کردی ، کراچی پولیس کے 2 اہلکار اب تک کورونا سے جاں بحق ہوچکے ہیں۔

تفصیلات کے مطابق ایڈیشنل آئی جی کراچی غلام نبی میمن نے آئی جی سندھ کو خط لکھا،جس میں کوروناسےجاں بحق فرنٹ لائن فائٹرزکوشہید کادرجہ دینے کی سفارش کی گئی ہے۔

غلام نبی میمن نے کہا کہ کراچی پولیس کے 2 اہلکار اب تک کوروناسےجاں بحق ہوچکےہیں، عالمی وبا کے دوران ڈیوٹی دینے والے اہلکاروں کا حوصلہ بلند کرنا ہے، فیلڈ اور دفاترمیں درجنوں اہلکار کورونا سے متاثرہوئے ہیں۔

ایڈیشنل آئی جی کا کہنا تھا کہ شہیدکادرجہ ملنےسےاہلخانہ کوشہیدکوٹہ کی مراعات حاصل ہوں گی ، پولیس شہدا کے ورثا کو ایک کروڑمعاوضہ دیا جاتا ہے اور خاندان کےایک فردکوپولیس میں نوکری دی جاتی ہے جبکہ ریٹائرمنٹ تک بیوہ یااہلخانہ کوتنخواہ بمعہ مراعات دی جاتی ہے۔

ایڈیشنل آئی جی کی جانب سے خط کیساتھ 21مارچ کوجاری کیےگئےآرڈرکی کاپی منسلک کردی گئی ہے۔

Comments

یہ بھی پڑھیں