اگر آپ نے کبھی کوئی چیز آن لائن منگوائی ہو تو اس بات سے بخوبی واقف ہوں گے کہ کمپنی گاہک کا ایڈریس اور نزدیک کی کوئی مشہور جگہ ضرور پوچھتی ہے تاکہ مذکورہ چیز پتے پر پہنچائی جاسکے۔
انٹرنیٹ پر ان دنوں ایک ایسی مزاحیہ تصویر وائرل ہورہی ہے جس میں کسی شخص نے آن لائن سروس فراہم کرنے والی کمپنی سے کچھ سامان منگوایا اور اپنے گھر کا ایڈریس انوکھے انداز سے لکھوایا۔
تصویر میں یہ بتایا گیا ہے کہ یہ سامان سلیم لالا نامی شخص نے منگوایا اور انہوں نے کمپنی کو اپنے گھر کے ساتھ نزدیک کا مقام بھی بتایا جسے کمپنی نے جوں کا توں لکھ دیا۔
ٹویٹر پر وائرل ہونے والی تصویر میں دیکھا جاسکتا ہے کہ سلیم لالا کے نام کے نیچے مکان نمبر درج ہے اور ساتھ لکھا ہوا ہے کہ ’پاشا بھائی کی دکان آکے پوچھ لو، سلیم لالا کدھر رہتا ہے، سیدھا گھر تک لاکے چھوڑے گا‘۔
I cant stop laughing pic.twitter.com/W4hHEkAbQV
— jeevandayni (@jeevandayni) January 13, 2021
انٹرنیٹ پر جب یہ تصویر شیئر ہوئی تو اسے دیکھ کر صارفین ہنس ہنس کر لوٹ پوٹ ہوگئے اور انہوں نے اسے بہت زیادہ شیئر کیا۔
اب تک اس تصویر کو 17 ہزار سے زائد صارفین پسند کرچکے ہیں جبکہ سیکڑوں نے اسے ری ٹویٹ کیا اور اس پر مزاحیہ تبصرے بھی کیے۔ چند صارفین ایسے تھے جنہوں نے لکھا کہ یہ تصویر جعلی (ایڈیٹڈ/ فوٹو شاپ) ہے۔
بھارتی میڈیا رپورٹ کے مطابق انٹرنیٹ پر شیئر ہونے والی یہ تصویر واقعی ایڈیٹ ہے کیونکہ یہ پہلی بار 9 جولائی 2020 کو شیئر ہوئی تھی جس میں صارف نے اپنے گھر کا ایڈریس انوکھے انداز سے لکھوایا تھا۔
Taking ‘Ghar ek mandir hai’ to a whole new level! pic.twitter.com/uuDoIYLyId
— Flipkart (@Flipkart) July 9, 2020
اس تصویر کو جولائی 2020 میں فلپ کارٹ نامی اکاؤنٹ سے پہلی بار شیئر کیا گیا تھا۔
